قازاق باسىلىمدارىنىڭ قاتارى سيرەپ جابىلىپ جاتقانىمەن جارىق كورىپ باستاعانى دا بار. سونىڭ ءبىرى –   رەسپۋبليكالىق قوعامدىق-ساياسي ء«تور» جۋرنالى.  جۋىردا ەلورداداعى جۋرناليستەر ءۇيىنىڭ ءماجىلىس زالىندا رەسپۋبليكالىق جۋرنالدىڭ تانىس­تىرىلىمى ءوتتى.

قازاق باسىلىمدارىنىڭ قاتارى سيرەپ جابىلىپ جاتقانىمەن جارىق كورىپ باستاعانى دا بار. سونىڭ ءبىرى –   رەسپۋبليكالىق قوعامدىق-ساياسي ء«تور» جۋرنالى.  جۋىردا ەلورداداعى جۋرناليستەر ءۇيىنىڭ ءماجىلىس زالىندا رەسپۋبليكالىق جۋرنالدىڭ تانىس­تىرىلىمى ءوتتى.

تۇساۋكەسەر راسىمىنە ق.قۋانىشباەۆ اتىنداعى اكادەميالىق مەملەكەتتىك قازاق مۋزىكالىق دراما تەاترىنىڭ ديرەكتورى سۇلتان سرايلوۆ، «راۋان» باسپا ءۇيىنىڭ باس ديرەكتورى، بەلگىلى جۋرناليست عابيت مۇسىرەپ جانە بۇقارالىق اقپارات قۇرالدارى وكىلدەرى قاتىستى. جاڭا باسىلىمنىڭ باس رەداكتورى ولجاس ساندىبەكتىڭ ايتۋىنشا، قالىڭ وقىرمانعا ازىرگە ەكى مىڭ دانامەن جول تارتقان ءۇنجاريا نەگىزىنەن ۇلت مۇددەسىن، تۇلعالار بەينەسىن، تاريحتىڭ اقتاڭداق قاتپارلارىن اي­شىقتاۋدى كوكسەيدى. ء«توردىڭ» بەتىندە قازاق حالقىنىڭ قامىن جەگەن اتا-بابا­لارى­مىزدىڭ ونەگەلى ءومىر جولىن جاس ۇرپاققا دارىپتەيمىز، تاۋەلسىز مەم­لە­كەتىمىزدىڭ بىرلىگى مەن ەكونوميكاسىنىڭ تۇراقتى دامۋىنا، ۇلتارالىق تاتۋلىعىنا، ۇرپاق تاربيەسىنە بەي-جاي قارامايتىن، ەل ءۇشىن تۋعان اردا ازاماتتاردىڭ ەڭبەگىن الاش جۇرتىنا پاش ەتەمىز. ءاۋ باستاعى جانە الداعى مۇراتىمىز دا وسى. زامانداستارىمىزدىڭ جارقىن ىستەرى مەن شىققان بەلەستەرى دە جۋرنال ۇجىمىنىڭ نازارىنان تىس قالمايدى» دەيدى و.ساندىبەك.

وقىرمان ء«تور» جۋرنالىنىڭ ەكىنشى سانىنان قازاقتىڭ اقىرعى حانى ءھام باتىرى كەنەسارى حان تۋرالى ماعجان جۇماباەۆتىڭ تولعاۋىن، سونىمەن قاتار، سيدنەي وليمپياداسىنىڭ چەمپيوندارى بەكزات ساتتارحانوۆ پەن ەرماحان ىبىرايموۆقا ارنالعان اقىن باۋىرجان بەرىكۇلىنىڭ جىرلارىن، ەسىمى ەلگە بەلگىلى كاسىپكەر، «قۇرمەت» وردەنىنىڭ كاۆالەرى ورالبەك بوتپايدىڭ سىر-سۇحباتىن جانە تاعى باسقا قۇندى دۇنيەلەردى وقي الادى. «تورەلىگىن ايتىڭىز»، «تورەسوز»، ء«توردىڭ كوركى»، «تورلەتىڭىز»، «تورگە لايىق»، «تورتۇلعا»، ء«توردىڭ تالقىسى»، «توردەگى تولعام» اتتى ايدارلارى بار باسىلىمنىڭ كەلەسى ءنومىرى قازاق ونەرىنىڭ مايتالمانى قۇرمانبەك جانداربەكۇلىنا ارنالماق ەكەن.  جۋرنالدىڭ تۇساۋكەسەرىنە جيىلعان قاۋىم ء«تور» جۋرنالى حالىقتىڭ كوڭىلىنىڭ تورىنەن ورىن الاتىن باسىلىم بولسىن دەگەن ىزگى تىلەكتەرىن جەتكىزدى.

اباي-اقپارات