پرەزيدەنت قاسىم-جومارت توقاەۆتىڭ «ادىلەتتى قازاقستان: زاڭ مەن ءتارتىپ، ەكونوميكالىق ءوسىم، قوعامدىق وپتيميزم» اتتى قازاقستان حالقىنا جولداۋى تۋرالى ساراپشىلار پىكىرىن Abai.kz اقپاراتتىق پورتالى وقىرماندارىنىڭ تالقىسىنا ۇسىنباقپىز...

سۋرەت سپيكەردىڭ وزىنەن الىندى.

مۇحتار باقتىبەكۇلى باقتىبەكوۆ،

Alikhan Bokeikhan University زاڭ فاكۋلتەتىنىڭ قۇقىق ماگيسترى:

– پرەزيدەنتىمىز قاسىم-جومارت توقاەۆتىڭ «ادىلەتتى قازاقستان: زاڭ مەن ءتارتىپ، ەكونوميكالىق ءوسىم، قوعامدىق وپتيميزم» اتتى قازاقستان حالقىنا جولداۋى قوعام ءۇشىن ەرەكشە ماڭىزدى تۇستارىن كورسەتىپ وتىر. جولداۋدا كوتەرىلگەن ماسەلەلەردى شەشۋ ەلىمىزدى جاڭا دەڭگەيگە كوتەرەدى دەپ ويلايمىن. ەلىمىزدىڭ داۋىنىڭ جاڭا كەزەڭىندە ساياسي، ەكونوميكالىق، الەۋمەتتىك، قۇقىقتىق باعىتتاردا قولعا الىنعان جۇمىستاردىڭ يگىلىگىن حالىق الداعى ۋاقىتتا كورەتىن بولماق.

اسىرەسە زاڭ مەن ءتارتىپ، ءبىلىم مەن پاراسات ۇستەمدىك ەتەتىن قوعام قۇرۋ وزەكتىلىگىن ارتتىرا بەرمەك. قوعام مەن ازاماتتىڭ، قۇقىقتىق مەملەكەتتىڭ مۇددەلەرىنە ساي زاڭداردى شىعارۋ ساپالى جانە تياناقتى جۇمىستاردى قاجەت ەتەدى. سوندىقتان زاڭداردى دايىنداۋدا ۇكىمەت پەن پارلامەنتتىڭ نەگىزگى جۇمىستارىمەن قاتار حالىقتىڭ، ازاماتتىق قوعام ينستيتۋتتارىنىڭ وعان ارالاسۋىن ارتتىرا بەرۋدى قولدايمىز. بۇل قوعامداعى كەز-كەلگەن ماسەلەلەردىڭ دەموكراتيالىق جولمەن شەشىلىپ، ازاماتتاردىڭ باسقارۋ ىسىنە بەلسەندى ارالاسۋىن كورسەتەدى.

سونىمەن قاتار ازاماتتاردىڭ جەكە باسى مەن جالپى قوعامداعى قاۋىپسىزدىك ماسەلەسى قاي كەزدە دە ورىندى دەپ سانايمىز. قازىرگى اقپاراتتار مەن تەحنولوگيانىڭ دامۋىندا ادام قۇقىقتارى مەن باسقارۋ جۇيەسىنە ەلەۋلى قاۋىپ تۋىنداۋدا. سوندىقتان وسىلارعا قارسى ءتيىمدى زاڭنامالار مەن قۇقىقتىق شارالاردى، ورگانداردىڭ قىزمەتتەرىن جەتىلدىرۋ ەلىمىزدىڭ داۋىنىڭ كەپىلى بولماق.

جولداۋدىڭ ءاربىر ماسەلەسىن جۇزەگە اسىرۋدا قازاقستاندىقتاردىڭ  ۇلەسى ماڭىزدى!

سۋرەت سپيكەردىڭ وزىنەن الىندى.

تالاپ كايراتوۆيچ نۋرەكەشوۆ،

قۇقىقتانۋ ماماندىعى بويىنشا فيلوسوفيا دوكتورى (PhD):

– 2024 جىلعى 2 قىركۇيەكتە قر پارلامەنتى پالاتالارىنىڭ بىرلەسكەن وتىرىسىندا مەملەكەت باسشىسى قاسىم-جومارت توقاەۆ ەل حالقىنا جولداۋىندا قازىر الەمدە ەنەرگيا تاپشىلىعى كۇشەيىپ بارادى، ەلىمىزگە سەنىمدى جانە ەكولوگيالىق تازا قۋات كوزدەرى اسا قاجەت. سوندىقتان ءبىز اتوم  ەنەرگەتيكاسىن دامىتۋعا باسا ءمان بەرۋىمىز كەرەك دەپ ويلايمىن دەپ اتاپ ءوتتى.

قازاقستاندا ەنەرگەتيكا سالاسى ەلدىڭ الەۋمەتتىك – ەكونوميكالىق ءومىرىنىڭ جەتەكشى بۋىندارىنىڭ ءبىرى بولىپ تابىلادى، سەبەبى ەنەرگيا بارلىق سالالاردى قامتيدى، ءبىزدىڭ بۇكىل ومىرىمىزگە ەنەرگيا قاجەتتىلىگى وتە جوعارى دەڭگەيدە. قازىرگى تاڭدا وسى قاجەتتىلىكتى قاناعاتتاندىرۋ ءۇشىن ەنەرگيا كوزىنىڭ 95 پايىزعا جۋىعى ءداستۇرلى  (كومىر مەن مۇناي) ەنەرگياعا تاۋكەلدىلىك ەكەنى جاسىرىن ەمەس. بۇنىڭ بولاشاعى بارما،قورى قانشا مەرزىمگە جەتەدى دەگەن ۇلكەن سۇراق تۋادى؟ ارينە، بۇل سۇراقتاڭ نەگىزگى شەشىمى بۇگىنگى كۇننەن كەشىكتىرمەي اتوم ەلەكتر ستانتسياسىن سالۋ ەكەنى ءسوسسىز. قازىر دامىعان جانە دامۋشى 30 مەملەكەتتە 200-گە جۋىق اتوم ەلەكتر ستانتسياسى جۇمىس ىستەپ تۇرعانىن ەسكەرسەك مەملەكەت باسشىسىنىڭ بۇل باعىتتاعى نەگىزگى ساياساتىن بۇكىل حالىق بولىپ قولداۋ قاجەت دەپ ويلايمىن.

اتوم ەلەكتر ستانتسياسى سالىنۋى قازاقستاندا جاڭارتىلعان ەنەرگيا كوزدەرىنىڭ مۇمكىنشىلىكتەرىن (گيدروەنەرگيا، جەل جانە كۇن ەنەرگياسى) ەلەۋلى كولەمدە ارتتىرۋىنا دا دارحان جول اشادى.

قازاقستاننىڭ ەكولوگيالىق ماسەلەلەرىن شەشۋدىڭ باسىم باعىتتارى: اتوم ەلەكتر ستانتسياسىن سالۋ،جاڭارتىلعان ەنەرگيا كوزدەرىن پايدالانۋ جانە ەنەرگيا جانە قوردى ۇنەمدەۋ باعدارلامالارىن جۇزەگە اسىرۋ ەكەنىن حالىققا دۇرىس ءتۇسىندىرۋ ماڭىزدى. قورىتا ايتقاندا، اتوم ەلەكتر ستانتسياسىن سالۋ بولاشاق ۇرپاعىمىزدىڭ جارقىن بولاشاعى ەكەنىن ەسكەرە وتىرىپ قولداۋ تانىتۋعا شاقىرامىن.

Abai.kz