اقش-تاعى سايلاۋشىلار كەلەسى پرەزيدەنتتى سايلاۋ ءۇشىن 5 قاراشادا سايلاۋ ۋچاسكەلەرىنە كەلەدى. باستاپقىدا سايلاۋ دەموكرات دجو بايدەن مەن 2020 جىلى پرەزيدەنتتىككە تالاسقان رەسپۋبليكاشى دونالد ترامپ اراسىنداعى ماتچ-رەۆانش بولۋى ءتيىس ەدى. بىراق شىلدە ايىندا جاعداي وزگەردى: بايدەن جارىستان شىعىپ، ۆيتسە-پرەزيدەنت كامالا ءحارريستى قولدادى.

ۇلتتىق ساۋالنامالاردا كىم كوش باستاپ تۇر؟

ورتا ەسەپپەن العاندا دەموكراتيالىق كانديدات كامالا حارريس جالپىۇلتتىق ساۋالنامادا ترامپتى باسىپ وزادى. ساۋالنامالارعا قاراعاندا، پرەزيدەنت بايدەن جارىستان شىعۋعا شەشىم قابىلداعانعا دەيىن بىرنەشە اي بۇرىن بۇرىنعى پرەزيدەنت ترامپتان قالىپ قويعان ەدى.

العاشقىدا حارريس ترامپتان قالىپ كەلە جاتقان. بىراق ول رەسمي تۇردە ۇمىتكەر دەپ تانىلعاننان كەيىن جاعداي وزگەردى جانە ساۋالنامالار ءحارريستىڭ قارسىلاسىنان از عانا ارتىقشىلىعىن كورسەتتى; وسى ارتىقشىلىق ءالى كۇنگە دەيىن ساقتالىپ كەلەدى.

10 قىركۇيەكتە ەكى ۇمىتكەر دە پەنسيلۆانياداعى تەلەدەباتتاردا كەزدەسىپ، ونى 67 ميلليوننان استام ادام تاماشالادى. پىكىرتالاستان كەيىن بىردەن جاريالانعان بىرنەشە جەدەل ساۋالناما، كوپشىلىكتىڭ پىكىرىنشە، حارريس ءوزىن جاقسى تانىتتى دەپ اتاپ كورسەتتى. سودان بەرى جۇرگىزىلگەن كوپتەگەن جالپىۇلتتىق ساۋالنامالار ءحارريستىڭ ءوز پوزيتسياسىن ءبىرشاما جاقسارتقانىن جانە ونىڭ ورتاشا كورسەتكىشى ايتارلىقتاي وزگەرمەگەنىمەن، ونىڭ ارتىقشىلىعى ازداپ ارتىپ: دەبات كۇنىندەگى 2,5 پايىزدىق پۋنكتتەن ءبىر اپتادان كەيىن 2,9 پۋنكتكە دەيىن جەتكەنىن كورسەتەدى.

تايساقتاعان شتاتتاردا كىم جەڭىسكە جەتەدى؟

قازىر جەتى تايساقتايتىن شتاتتا ەكى كانديداتتىڭ دا ناتيجەلەرى ءبىر-بىرىنە وتە جاقىن، سوندىقتان جارىستا شىنىمەن كىم كوش باستاپ تۇرعانىن انىقتاۋ قيىن.
شتاتتاردا ساۋالنامالار جالپىۇلتتىق ساۋالناماعا قاراعاندا از، سوندىقتان جۋرناليستەر قولىنداعى دەرەكتەردە ماردىمسىز. ونىڭ ۇستىنە، وسى ساۋالنامالاردىڭ جىبەرىپ الاتىن قاتەلىگىن دە ەسكەرۋگە تۋرا كەلەدى.
سوڭعى ساۋالنامالار بىرنەشە شتاتتا ەكى كانديداتتىڭ اراسىنداعى ايىرماشىلىق ءبىر پايىزدان اسپايدى.

ءبىر كەزدەرى پەنسيلۆانيا، ميچيگان جانە ۆيسكونسين دەموكراتتاردىڭ تىرەگى بولعان، بىراق 2016 جىلى ولار ترامپقا داۋىس بەرگەن. 2020 جىلى كەرىسىنشە بۇل جەرلەردە بايدەن جەڭىسكە جەتتى.

ساۋالنامالارعا سەنۋگە بولا ما؟

قازىرگى ۋاقىتتاعى ساۋالنامالار كورسەتىپ وتىرعانداي، كامالا حارريس پەن دونالد ترامپ ءبىر-بىرىنەن ۇلتتىق دەڭگەيدە دە، تايساقتاعان شتاتتاردا دا ءبىر-بىرىنەن ەكى پايىزدىق پۋنكتتىڭ شەگىندە تۇر. ازىرگە الەۋمەتتانۋشىلار تەك نەگىزدى بولجامدار جاساي الادى. سايلاۋ كۇنى قاراشا ايىندا عانا باستالعانىمەن، كەيبىر ماڭىزدى شتاتتاردا، سونىڭ ىشىندە ماڭىزدى پەنسيلۆانيادا مەرزىمىنەن بۇرىن داۋىس بەرۋ قىركۇيەكتە باستالادى.

Abai.kz