ميرزويان جانە كوكتەم مەن قىستىڭ تارتىسى...
1-سۋرەت: قازاقستاندى 1933-1938 جىلدارى باسقارعان ميرزويان
2-سۋرەت: ميرزوياننىڭ رەپرەسسيالاۋعا بايلانىستى ءليميتتى كوتەرۋ تۋرالى ستالينگە جازعان حاتى
3-سۋرەت: الماتىداعى ميرزويان كوشەسى كورسەتىلگەن ۆەب-كارتا
4-سۋرەت: «سارىارقا» كينوتەاترىنىڭ ارتىنداعى ساياباقتا تۇرعان لەنين ەسكەرتكىشى
5-سۋرەت: ۋكراينانىڭ ۆيننيتسك وبلىسى، پوبەرەجنە اۋىلىنداعى باسىنان ايىرىلىپ، قيراعان لەنين ەسكەرتكىشى
جالپى مەرزىمى – 5 جىل، ياعني، 1933 جىلدان 1938 جىلعا دەيىن قازاقستاندى باسقارعان ميرزوياننىڭ اتىندا ەل اۋماعىندا مىڭداعان كوشە بار. بۇل كوشەلەرگە ميرزويان ەسىمى سوۆەت وكىمەتى كەزىندە بەرىلگەن.
قازاقستان 1991 جىلى تاۋەلسىزدىك الدى. قازىر - 2014 جىل. 23 جىل. ال، ميرزوياننىڭ جانە باسقا بولشەۆيكتەردىڭ ەسكەرتكىشتەرى مەن ولاردىڭ اتىنداعى كوشەلەر سول قالپى، مىزعىعان جوق.
بيلىك تاراپىنان كوممۋنيستتەردىڭ اتىنداعى كوشەلەردى تۇگەلدەي اۋىستىرىپ، ەسكەرتكىشتەرىن قۇلاتۋ تۋرالى باستاما بولعان ەمەس. ءارى نەلىكتەن مەملەكەت قۇرۋشى حالىقتى قاساقانا قىرعان كوممۋنيستەردىڭ ەسكەرتكىشتەرى جويىلىپ، كوشەلەرى اۋىستىرىلماي كەلە جاتقانىنا رەسمي تۇسىندىرمە جاۋاپ كۇنى بۇگىنگە دەيىن جوق.
1-سۋرەت: قازاقستاندى 1933-1938 جىلدارى باسقارعان ميرزويان
2-سۋرەت: ميرزوياننىڭ رەپرەسسيالاۋعا بايلانىستى ءليميتتى كوتەرۋ تۋرالى ستالينگە جازعان حاتى
3-سۋرەت: الماتىداعى ميرزويان كوشەسى كورسەتىلگەن ۆەب-كارتا
4-سۋرەت: «سارىارقا» كينوتەاترىنىڭ ارتىنداعى ساياباقتا تۇرعان لەنين ەسكەرتكىشى
5-سۋرەت: ۋكراينانىڭ ۆيننيتسك وبلىسى، پوبەرەجنە اۋىلىنداعى باسىنان ايىرىلىپ، قيراعان لەنين ەسكەرتكىشى
جالپى مەرزىمى – 5 جىل، ياعني، 1933 جىلدان 1938 جىلعا دەيىن قازاقستاندى باسقارعان ميرزوياننىڭ اتىندا ەل اۋماعىندا مىڭداعان كوشە بار. بۇل كوشەلەرگە ميرزويان ەسىمى سوۆەت وكىمەتى كەزىندە بەرىلگەن.
قازاقستان 1991 جىلى تاۋەلسىزدىك الدى. قازىر - 2014 جىل. 23 جىل. ال، ميرزوياننىڭ جانە باسقا بولشەۆيكتەردىڭ ەسكەرتكىشتەرى مەن ولاردىڭ اتىنداعى كوشەلەر سول قالپى، مىزعىعان جوق.
بيلىك تاراپىنان كوممۋنيستتەردىڭ اتىنداعى كوشەلەردى تۇگەلدەي اۋىستىرىپ، ەسكەرتكىشتەرىن قۇلاتۋ تۋرالى باستاما بولعان ەمەس. ءارى نەلىكتەن مەملەكەت قۇرۋشى حالىقتى قاساقانا قىرعان كوممۋنيستەردىڭ ەسكەرتكىشتەرى جويىلىپ، كوشەلەرى اۋىستىرىلماي كەلە جاتقانىنا رەسمي تۇسىندىرمە جاۋاپ كۇنى بۇگىنگە دەيىن جوق.
رەسمي بيلىك قوعام ىشتەي كۇتكەن دۇنيەلەرگە جاۋاپ بەرمەگەن جەردە ازاماتتىق قوزعالىس باستالاتىنى دالەلدەۋدى قاجەت ەتپەيتىن نارسە. ال، بيلىكتىڭ ۇنسىزدىگى – ورىسشىلدىعى جانە قازاقستانداعى باسقارۋشى بيلىك پەن ءىرى لاۋازىم يەلەرىنىڭ ءبارى دەرلىك سوۆەت وكىمەتىنىڭ تۇسىندا كوممۋنيستىك پارتيا مۇشەسى بولعان، ادال قىزمەت ەتكەن، قىزمەت جولىندا ءوسۋى كوممۋنيستىك جۇيەمەن تىكەلەي بايلانىستى ادامدار. ولار ءۇشىن سوۆەت وكىمەتىنە، كوممۋنيستتەرگە قارسى شىعۋ، جوققا شىعارۋ – وزدەرىنە جانە ساناسىندا شەگەلەنىپ قالعان «ۇلى ورىس حالقىنا» قارسى كەلۋ، قىلمىس! 23 جىلداعى تاۋەلسىز قازاقستان بيلىگىنىڭ سوۆەتتىك ەسكەرتكىشتەر مەن كوشەلەرگە قاتىستى ۇستانىمىن وسىلاي دەپ قانا جورۋعا بولادى.
ارينە، قوعام ءبىر ورنىندا تۇرمايدى. التى اي قىستىڭ دا ارتىنان كوكتەم كەلەدى. ميرزويان كوشەسىنىڭ اتىن اۋىستىرۋ جونىندەگى تاريحشىلار، جەرگىلىكتى بيلىك پەن قوعامدىق بەلسەندى ازاماتتاردىڭ اراسىنداعى تارتىس قىس پەن كوكتەمنىڭ تايتالاسىن ەسكە سالادى. قىس قانشا قاسارىسقانىمەن كوكتەم كەلەرى ءسوزسىز. بىراق، قىستىڭ قاھارىنان قورىققان ادام كوكتەمدى كۇتپەي-اق قويسا دا بولادى... سەبەبى، جالتاقتار مەن قورقاقتاردىڭ جۇرەگى مەن ساناسىندا كوكتەمگە ورىن جوق. ولاردىڭ جالعىز كوزدى جالماۋىز بيلەۋشىسى – ساياسي ۇرەي مەن قىزمەتقۇمارلىق قانا.
Abai.kz سايتى ميرزويان ماسەلەسىن كوپتەن بەرى كوتەرىپ كەلەدى. اگاراكي، كوز جۇگىرتەم دەسەڭىز، مىنا سىلتەمەلەردى قاراۋىڭىزعا بولادى: http://old.abai.kz/node/38600, http://old.abai.kz/node/4670, http://old.abai.kz/node/13831, http://old.abai.kz/node/15024, http://old.abai.kz/node/16908
ر.S.
65-ءنشى ءنومىرلى اۆتوبۋسقا وتىردىم. جولاقىسىن جينايتىن جىگىت ءار ايالداما سايىن: پو لەنينا ۆەرح دەپ ايعايلادى. 23 جىل.
ۇيگە بارار جولدا «سارىارقا» كينوتەاترىنىڭ ارتىنداعى اياداي ساياباقتا لەنين مەن كالينيننىڭ ەسكەرتكىشىنىڭ جانىنان ءوتتىم. ۇيگە كەلىپ، ينتەرنەت قارادىم: قازاق تاريحشىلارىنىڭ «ميرزوياننىڭ ەسىمىن كوشەلەردەن ءازىر الىپ تاستاۋعا بولمايدى» دەپ جاعالاي ايتىپ شىققان سوزدەرىن ەستىدىم. 23 جىل.
تەلەديدار قوستىم: ماجىلىستەگى قازاقستان كوممۋنيستتەرى پارتياسى فراكتسياسىنىڭ مۇشەسى، ءبىر دەپۋتات سويلەپ جاتىر. 23 جىل.
باسقا ارناعا اۋىستىردىم. ۋكراينانىڭ ءارتۇرلى قالالارىنداعى لەنيننىڭ 16 ەسكەرتكىشى قۇلاتىلعانىن قايتالاپ كورسەتىپ جاتىر ەكەن.
ءيا، كوكتەم،
"سەن مەنى نە ەتەرسىڭ؟
مەنى تاستاپ..."
Abai.kz
شوقان ءۋاليحانوۆ اتىنداعى تاريح جانە ەتنولوگيا ينستيتۋتىندا ميرزويان ەسىمىن كوشەلەردەن الىپ تاستاۋعا بايلانىستى وتىرىستا الماتى قالاسى ىشكى ساياسات قىزمەتكەرلەرى، تاريحشىلار جانە مۇحتار تايجان، قاسىم امانجولۇلى باستاعان ازاماتتاردىڭ ايتقان سوزدەرىن تومەندەگى ۆيدەودان كورە الاسىزدار.
