ەلىمىزگە ارنالعان ميسسيا قورىتىندىسى بويىنشا، حالىقارالىق ۆاليۋتا قورىنىڭ قورىتىندى مالىمدەمەسى جاريالاندى، دەپ حابارلايدى  اbai.kz Halyq Uni -نە cىلتەمە جاساپ. 

ۇلتتىق بانك مالىمەتىنشە، 18 قىركۇيەك پەن 1 قازان ارالىعىندا قازاقستان حۆق ميسسياسىن قابىلدادى. ساپار قورىتىندىسى بويىنشا قازىرگى ماكروەكونوميكالىق احۋالعا جانە ىسكە اسىرىلىپ جاتقان قۇرىلىمدىق رەفورمالارعا، اقشا-كرەديت جانە فيسكالدىق ساياساتقا شولۋ، سونداي-اق نەگىزگى قورىتىندىلار مەن ۇسىنىمدار قامتىلعان قورىتىندى مالىمدەمە جاريالاندى.

ميسسيا پىكىرىنشە، ەل ەكونوميكاسى ورنىقتى، ينفلياتسيا بىرتىندەپ تومەندەپ كەلەدى، كرەديتتەۋدىڭ جوعارى ءوسۋ قارقىنىنا قاراماستان، بانك جۇيەسى تۇتاستاي العاندا تۇراقتى.

2025 جىلى ەكونوميكانى قولداۋعا ارنالعان بيۋدجەتتىك شىعىستار مەن تەڭىز مۇناي كەن ورنىن كەڭەيتۋ اياسىندا ەكونوميكالىق ءوسىم جەدەلدەيدى دەپ كۇتىلىپ وتىر. ال قازاقستانمەن ساۋدا-سەرىكتەس ەلدەردىڭ ەكونوميكاسىنداعى ءوسۋ كورسەتكىشىنىڭ ىقتيمال باياۋلاۋى، گەوساياسي جاعدايدىڭ پوتەنتسيالدى شيەلەنىسۋى، سونداي-اق شيكىزات تاۋارلارى باعاسىنىڭ قۇبىلا ءتۇسۋى – تاۋەكەل فاكتورلارى قاتارىندا ايتىلدى، –  دەپ قوستى ۆەدومستۆو.

حۆق ساراپشىلارى 2024 جىلدىڭ تامىزىندا ينفلياتسيا تومەندەگەنىن اتاپ ءوتتى جانە ول 2024 جىلدىڭ سوڭىنا قاراي 8,3%-عا دەيىن، ال 2027-2028 جىلدارعا قاراي 5%-عا دەيىن تومەندەيدى دەپ بولجايدى. ۆاليۋتا باعامىنىڭ يكەمدىلىگى اياسىندا اقشا-كرەديت ساياساتى تيىمدىلىگىنىڭ ارتۋى، سونداي-اق 2023 جىلدىڭ اقپانىنان باستاپ ىشكى باعالاردى تۇراقتاندىرعان بازالىق مولشەرلەمەنى تومەندەتۋگە قاتىستى ۇلتتىق بانكتىڭ بايىپتى ۇستانىمى – قولايلى فاكتور رەتىندە اتالدى.

ميسسيا قارجى سەكتورىنداعى تۇراقتىلىقتى ارتتىرۋ شارالارىن وڭ باعالادى. بۇل رەتتە حۆق قر بيۋدجەتىنىڭ ۇلتتىق قور رەسۋرستارىنا شامادان تىس تاۋەلدىلىگىنە الاڭداۋشىلىق بىلدىرەدى. ساراپشىلار فيسكالدىق شوعىرلاندىرۋ، اشىقتىق جانە بيۋدجەتتىك قاعيدالارعا نەگىزدەلگەن فيسكالدىق جۇيەنىڭ نەگىزدەرىن نىعايتۋ ماڭىزدىلىعىنا دەن قويادى. بۇدان باسقا، ميسسيا «ەكونوميكانى ىرىقتاندىرۋ شارالارى تۋرالى» پرەزيدەنت جارلىعىندا كوزدەلگەن قۇرىلىمدىق رەفورمالاردى جۇرگىزۋ ماڭىزدىلىعىنا دا توقتالىپ ءوتتى.

IV باپ بويىنشا حۆق ميسسياسىنىڭ كەلەسى ساپارى 2025 جىلدىڭ مامىرىندا وتەدى.

Abai.kz