شقو پروكۋراتۋراسى ءباسپاسوز قىزمەتىنىڭ حابارلاۋىنشا، ءوڭىر پوليتسەيلەرى اقپاراتتى ەسەپكە الۋ كىتابىنا (اەك) 90 مىڭ ارىز بەن حابارلامانى تىركەۋ كەزىندە ولقىلىققا جول بەرگەن. ونىڭ ىشىندە ۋاقتىلى شەشىم قابىلداماۋ، قىلمىستاردىڭ سارالانۋىن تومەندەتۋ، ولاردى جاسىرۋ جانە ستاتيستيكانى بۇرمالاۋ فاكتىلەرى تىركەلىپ وتىر.

«تالاپ بويىنشا اەك-كە تۇسكەن ارىز 24 ساعات ىشىندە قارالۋى ءتيىس. ماسەلەن، وسى جىلدىڭ تامىز ايىندا جەكە سوت ورىنداۋشىسى سوت شەشىمىن ورىنداماعان ك. ەسىمدى ازاماتتى جاۋاپكەرشىلىككە تارتۋ تۋرالى حابارلاما تۇسىرگەن. الايدا پوليتسەيلەر ەش شارا قولدانباي، 4 كۇننەن كەيىن ءىس ماتەريالدارىن نومەنكلاتۋرالىق وندىرىسكە ەسەپتەن شىعارۋ تۋرالى شەشىم قابىلداعان»، - دەلىنگەن اقپاراتتا.

بۇدان بولەك، ريددەردەگى پوليتسيا بولىمىنە بارعان ايەل بۇرىنعى كۇيەۋىنىڭ ءوزىن قورلاعانىن ايتىپ، ارىز جازعان. الايدا بۇل ءىس ماتەريالى بويىنشا شەشىم ارىز تۇسكەننەن كەيىن 8 تاۋلىك وتكەندە عانا قابىلدانعان.

انىقتالعان زاڭبۇزۋشىلىقتار بويىنشا پوليتسيا دەپارتامەنتىنە پروكۋرورلىق قاداعالاۋ اكتىسى ەنگىزىلىپ، ەسەپكە الۋ جانە تىركەۋ ءتارتىبىن بۇزۋدىڭ الدىن الۋ، ۆەدومستۆولىق باقىلاۋدى كۇشەيتۋ شارالارىن جۇرگىزۋ تاپسىرىلدى.

Abai.kz