ىشكى نارىقتا جانار-جاعارماي تاپشىلىعىن بولدىرماۋ ماقساتىندا ەنەرگەتيكا مينيسترلىگى مۇناي ونىمدەرىن تەمىر جول كولىگىمەن ەكسپورتتاۋعا تىيىم سالۋدى جوسپارلاپ وتىر.

مۇناي ونىمدەرىن اۆتوموبيل جانە تەمىرجول ارقىلى ەلدەن اكەتۋگە 6 اي مەرزىمگە تىيىم سالۋ كوزدەلگەن.

قازىر ججم تۇتىنۋدىڭ ادەتتەن تىس ۇلعايۋى جانە ىشكى نارىقتا قالعان ءونىمنىڭ ازايۋى بايقالادى. اتاپ ايتقاندا، قازاقستاننىڭ وڭتۇستىك شەكارالاس ايماقتارىندا ايتارلىقتاي ءوسىم بايقالادى. بۇل جاعداي قازاقستان رەسپۋبليكاسىندا جانە شەكارالاس ەلدەردەگى مۇناي ونىمدەرى باعاسى اراسىنداعى ايىرماشىلىعىمەن بايلانىستى، وسىنىڭ سالدارىنان ءونىم شەكارالاس ەلدەرگە اكەتىلىپ جاتىر، – دەلىنگەن مينيسترلىك حابارلاماسىندا.

بۇل تىيىم ەاەو ەلدەرىنە دە قاتىستى.

مۇنداي شەشىمگە كەلۋگە جانار-جاعارمايدى تۇتىنۋدىڭ شامادان تىس ۇلعايۋى جانە ىشكى نارىقتا قالعان ءونىمنىڭ ازايۋى سەبەپ بولعان.

Abai.kz