رەداكتسيادان:  رەداكتسيامىزعا تۇراقتى اۆتورىمىز اۋىت مۇقيبەكتەن كەلگەن استانا قالاسىنداعى قانداس ازامات - ابلەيىس راحماننىڭ جانايقايىن پورتال وقىرماندارىنىڭ تالقىسىنا ۇسىنىپ وتىرمىز.

Abai.kz ەركىن اقپارات الاڭى. مۇندا وي جارىستىرىپ، پىكىر تالاستىرۋعا قازاقستاننىڭ ءاربىر ازاماتى قۇقىلى. ماقالا اۆتورىنىڭ پىكىرى رەداكتسيا ۇستانىمىن بىلدىرمەيدى جانە ماقالادا اتى اتالعان جەكەلەگەن تۇلعالار جاۋاپ بەرەمىن دەسە، پورتال بەتىندە جاريالايتىن بولامىز!

---

استانا قالاسىنىڭ پروكۋرورى
ە.ر. وتەگەنوۆ مىرزانىڭ نازارىنا!

قۇرمەتتى ەرلان راقىمجانۇلى!

مەن ون بەس جىلدان بەرى كوشى-قون ساياساتىمەن تىنباي اينالىسىپ كەلە جاتقان ازاماتپىن. سودان بولسا كەرەك، تەلەفون شالىپ، ىزدەپ كەلىپ، مەنەن كومەك سۇرايتىن قانداستارىمىزدىڭ قاتارى وتە كوپ. بۇرىن ولار قۇجاتتانۋ ماسەلەسى بويىنشا جاردەم، كەڭەس سۇراسا، سوڭعى كەزدە الاياقتارعا الدانعاندار، سوتتا قۇقىعى تاپتالعاندار كوپ شاعىمداناتىن بولدى.

سوعان بايلانىستى ءبىر كەزدە ولەڭ دە جازىپپىن.

كوپ بولعانى جاقسى عوي مىقتى ادامدار،
كىلەڭ العا باسادى نىق قادامدار.
مەنى بايلار ەشقاشان ىزدەمەيدى،
ىزدەيدى ىلعي جىلاعان-سىقتاعاندار.

زامان سالعان ىسىكتى، ءىرىڭدى ەمدەر،
كەرەك مىناۋ قوعامعا شىنىندا ەرلەر.
مەنى əكىمدەر ەشقاشان ىزدەمەيدى،
ىزدەيدى ىلعي جىعىلعان-سۇرىنگەندەر.

كوپ بولسا ەكەن جۇلدىزى جانعان جاندار،
نەسىبەسىن ءار اتقان تاڭنان قارمار.
مەنى زورلار ەشقاشان ىزدەمەيدى،
ىزدەيدى كەپ الدانعان، اربالعاندار...

بەرگىم كەلىپ جۇرەكتىڭ جىلى اعىسىن،
كومەكتەسەم بارىنە قۇراق ۇشىپ.
ءبىرى كيىپ كەتەدى تونىمدى ەسكى،
تاعى ءبىرى اسىمدى سۇراپ ءىشىپ...

شاعىمدا دا جاس كەلىپ تارلانداعان،
بيىگىمە جەتەرمىن ارمانداعان.
قۋانامىن ءبىر قازاق ىزدەپ كەلسە،
جىگىت ءۇشىن ىزدەۋسىز قالعان جامان!

ارينە، مەن ءبىر قۇزىرلى مەكەمەنىڭ باسشىسى نە ءبىر قوعامدىق ۇيىمنىڭ جەتەكشىسى ەمەسپىن. ەكى جىلدان بەرى جۇمىسسىز جۇرگەن قاتارداعى بەلسەندى ازاماتپىن.

مەنەن كومەك سۇرايتىنداردىڭ كوبى بۇل جاقتىڭ جازۋىن تانىمايدى، زاڭدى بىلمەيدى. كىم جاقسى ءسوز ايتسا، سوعان سەنەتىن وڭكەي مومىن، اق كوڭىل بايقۇستار...

جۇرت جاقسى بىلەدى، اتاجۇرتقا ورالعان العاشقى جىلدارى مەن تۇمانباي اعا مولداعاليەۆتىڭ قاسىندا ۇزاق ۋاقىت ءجۇردىم.

سول كەزدە دە ارعى بەتتەن ورالعان اعايىن ماعان ۇنەمى تەلەفون شالىپ، كومەك سۇرايتىن، كەڭەس الاتىن.

سولارمەن بولعان تەلەفونداعى سويلەسۋدى ەستىپ وتىرعان تۇماعا مارقۇم: «اۋىتجان، جەرلەستەرىڭە كومەكتەسىپ جۇرگەنىڭ – وتە دۇرىس. ولار بۇل جاقتىڭ جاعدايىن بىلە بەرمەيدى عوي، كومەكتەسىپ ءجۇر! شاماڭ كەلمەي جاتسا، ماعان ايت، «تۇمانباي» دەگەن اتىم بار عوي، مەن دە قول ۇشىمدى بەرەيىن. ادام بالاسىنا كومەكتەسكەننەن كىسى كەمىمەيدى...», - دەگەن ەدى.

تۇماعا ايتقان وسىنداي ءسوزدى مارقۇم نەسىپبەك ايتۇلى دا ماعان كوپ ايتاتىن. بىردە نەسىپبەك اعانىڭ وتكەن كۇندەردى ەسكە الىپ: «اۋىتجان، قازىرگى قانداستاردىكى راحات قوي، سەن سەكىلدى قۇقىعىن قورعاپ، جىرتىسىن جىرتاتىن ازاماتتار بار. ءبىزدى ايتساڭشى، الپىسىنشى جىلدارى كەلگەندەردىڭ بيلىك باسىنداعىلاردان كورگەن قورلىعى از بولعان جوق. ءبىزدىڭ ىشىمىزدەن شىعىپ، سەن قۇساپ اراشا تۇسەتىندەر بولمادى. داۋىس كوتەرىپ شىققاندارىنىڭ سوڭىنان كگب تۇسەتىن. سونىڭ كەسىرىنەن نە ءبىر سۇمدىقتار بولدى عوي. ءبىراز تالانتتى اعالارىمىزدىڭ باسىلىپ قالعانى، ىشىمدىككە ءۇيىر بولىپ كەتكەنى – سودان. سەنىڭ شىعىپ، مىنا ارعى بەتتەن ورالعان اعايىندارعا كومەكتەسىپ جۇرگەنىڭ وتە جاقسى بولدى، كومەكتەسە بەر...», - دەپ ءبىر جاعى مۇڭايعانى، ءبىر جاعى ماعان دەم بەرگەنى بار...

---

قۇرمەتتى ەرلان راقىمجانۇلى!

سونداي جىعىلعان-سۇرىنگەندەردىڭ ءبىرى – ابلەيىس راحمان دەگەن ازامات.

جۇمىسسىز قالعانىن ايتىپ كەلگەن سوڭ، ماۋسىم ايىندا «№1 اۆتوبۋس پاركى» اق-نىڭ باسشىسى ماديار تۇقپانوۆ باۋىرىمىزعا ءوزىم ەرتىپ بارىپ، جاعدايىن ايتىپ ەدىم، بىردەن جۇمىسقا قابىلداعان بولاتىن.

ەندى سول ابلەيىس راحمان كەشە باسقا ءبىر داۋلى ماسەلەگە بايلانىستى، سوتتا ادىلەتسىزدىككە ۇشىراعانىن ايتىپ، تاعى كومەك سۇراپ كەلىپتى.

«اينالايىن، بولدى عوي...»، - دەيىن دەسەم، تاۋى شاعىلعان ازاماتتىڭ بەتىن قايتارعىم كەلمەدى. ونىڭ ۇستىنە، قازاقتىڭ ەكى بىردەي اتاقتى اقىنىنىڭ وسيەتى تاعى بار.

سونىمەن، «اللانىڭ ريزالىعى ءۇشىن...»، - دەپ، ەڭ قۇرىعاندا، «Abai.kz» پورتالىنا سۇيەنىپ، اقپاراتتىق قولداۋ كورسەتۋدى، ءۇنىن سىزگە جەتكىزۋدى ءجون دەپ تاپتىم.

مىناۋ سول ابلەيىس راحمان باۋىرىمىزدىڭ ءوز اۋزىمەن ايتىپ بەرگەن سوزدەرى.

نازارىڭىزعا الاتىنىڭىزعا سەنەمىن!

قۇرمەتپەن،

اۋىت مۇقيبەك

«ەرەن ەڭبەگى ءۇشىن» مەدالىنىڭ،
«قۇرمەت» وردەنىنىڭ يەگەرى    

13.10.2024

---

ا. مۇقيبەك:

– راحمان، جۇرت ءبىلسىن، الدىمەن ءوزىڭ تۋرالى قىسقاشا ايتىپ بەرشى، قايدان كەلگەن، نە ىستەپ جۇرگەن قازاقسىڭ؟ 

ابلەيىس راحمان:

– مەن قىتايدان ورالعان قازاقپىن. 2017 جىلى ءساۋىر ايىندا وتباسىممەن ءۇرىمجى اۋدانىنان اتاجۇرتىما كوشىپ كەلدىم. قازاقستان ازاماتىمىن. استانا قالاسىندا پاتەر جالداپ تۇرامىن. ايەلىم ۇيدە، جۇمىسسىز. ءوزىم ءوزىڭىز جۇمىسقا ورنالاستىرعان «№1 اۆتوبۋس پاركى» اق-دا موتوريس بولىپ جۇمىس ىستەيمىن.

ا. مۇقيبەك:

– ەندى مەنى ىزدەگەندەگى نەگىزگى شارۋاڭىزدى ايتىڭىز...

ابلەيىس راحمان:

– 2023 جىلى ناۋرىزدان باستاپ «Auto Bus Service» جشس-دا موتوريس بولىپ ءبىر جىل جۇمىس ىستەدىم.

سول بارىستا اتالعان جشس-ءتىڭ باسشىسى ومارباەۆ احمەديا جانسەريكوۆيچ دەگەن جىگىت سول «قۇربان ايت» مەرەكەسى قارساڭىندا، ءبىر ايدىڭ ىشىندە قايتارىپ بەرەم دەپ، مەنەن 100 000 (جۇز مىڭ) تەڭگە قارىزعا اقشا الدى.

سول جىلى قاراشا ايىنان باستاپ، 2024 جىلعى اقپان ايىنا دەيىن ماعان قۇنى 865 000  (سەگىز جۇر الپىس بەس مىڭ) تەڭگەگە قىتايدان ءۇي جابدىقتارىن الدىردى.

ءسويتىپ، احمەديا ورمارباەۆ ماعان، ەكەۋىن قوسقاندا، 965 مىڭ تەڭگە قارىز بولدى.

احمەديا جانسەريكوۆيچ ماعان قىتايدان زات الدىراتىن كەزدە ءوزىنىڭ ءبىر ميلليون تەڭگە ايلىق الاتىنىن ايتىپ، اقشاڭدى ۋاعىندا قايتارىپ بەرەم دەپ، ۋادە دەگەندى ءۇي-توككەن بولاتىن.

ءتىپتى، العاشقى الدىرعان كولونكانى كىشكەنە دەپ ۇناتپاي، ۇلكەنىن الدىردى. ونى ۇيگە ءوزى كەلىپ، الىپ كەتتى. سول زاتتى الىپ جاتىپ: «اعا، ەكى قىزىم بار، مەن قۇدايدان قورقام، اقشاڭىزدى قايتارامىن، الاڭداماڭىز...», - دەپ اللانى ايتىپ، انت ىشكەن ەدى.

وكىنىشكە وراي، احمەديا ورمارباەۆ ول ۋادەسىندە تۇرعان جوق.

مىنە، ءبىر جىلعا تايادى، سول اقشالارىمدى ءالى بەرمەي كەلەدى.

ماعان بەرەشەك جالعىز احمەديا ورمارباەۆ قانا ەمەس، «Auto Bus Service» جشس-دا تاعى ءبىر ارنولد ەۆگەني البەرتوۆيچ دەگەن بريگادير بولدى.

ول دا «باستىعىما بەرەم...» دەپ، ماعان قىتايدان قۇنى 270 مىڭ تەڭگە تۇراتىن ءبىر جاشىك اراق الدىردى.

سونداي-اق، سويدىرۋ، جەتكىزۋ اقىسىن قوسقاندا، قۇنى 86 مىڭ تەڭگە بولاتىن ءبىر قويدىڭ ەتىن، اقشاسىن ماعان تولەتىپ، ۇيىنە جەتكىزدىرىپ العان بولاتىن.

ءسويتىپ، ارنولد ەۆگەني دە مەنىڭ 360 مىڭ تەڭگەگە جۋىق اقشامدى بەرمەي كەتتى...

ا. مۇقيبەك:

– ابدەن تونالىپسىڭ عوي، سودان نە بولدى؟!

ابلەيىس راحمان:

– سودان احمەديا ورمارباەۆ باستابىندا «اقشاڭدى انە بەرەم، مىنە بەرەم، ەكىگە ءبولىپ بەرەيىن...»، - دەپ ءجۇردى دە، ارتىنان وزىمە كۇش كورسەتە باستادى. سوڭىندا، تەلەفونىمدى بلوكقا تىعىپ، قاراسىن كورسەتپەي كەتتى. ءبىر مارتە كەزدەسىپ قالىپ ەدىك، مەنى كورگەن بەتتەن قاشىپ، كابينەتىنە كىرىپ كەتتى...

ارنولد ەۆگەني دە سول احمەديا ورمارباەۆتىڭ اياعىن قۇشتى. كۇندە سۇرايمىن، بەرمەيدى.

«سەندەردى سوتقا بەرەم!»، - دەسەم: «بۇل سەنىڭ قىتايىڭ ەمەس، مىناۋ قازاقستان! ماعان دىم دا ىستەي المايسىڭ! ماعان پو...!», - دەدى، ەكەۋى دە. «ەكى-ءۇش جىلعا سەنى سوتتاتىپ جىبەرەم سەنى!»، - دەپ، احمەديا ورمارباەۆ مەنى قورقىتاتىندى شىعاردى.

سوڭىندا ەكەۋى ەكى جاقتاپ تۇرتپەكتەپ ءجۇردى دە، كەلىسىم-شارتىمنىڭ مەرزىمى تولعان سوڭ، جۇمىستان شىعارىپ جىبەردى. ورنىما ءبىر ورىستى جۇمىسقا الدى.

نەگىزى، مەن اتالعان جشس-دا جۇمىستى وتە جاقسى ىستەدىم. ءبىر مينۋت كەشىككەن نە ەرتە كەتكەن جەرىم جوق. جازا تۇرماق، ەشقانداي ەسكەرتۋ دە العان ەمەسپىن. كەلەسى كەلىسىم-شارتىمدى جاڭارتىپ، جۇمىسىمدى ارى قاراي تاعى جالعاستىرۋعا تولىق حاقىم بار ەدى. وعان انا ەكەۋى مۇمكىندىك بەرمەدى. جولاتپادى...

سودان، ەكەۋىن دە سوتقا بەردىم.

ا. مۇقيبەك:

– ادۆوكاتتىڭ كومەگىنە جۇگىندىڭ بە؟

ابلەيىس راحمان:

– ەندى سونى ايتايىن دەپ وتىرمىن.

مەنىڭ احمەديا ورمارباەۆتى سوتقا بەرۋىمە جايلاۋباي شامەت دەگەن ازامات سەبەپ بولدى.

جايلاۋباي شامەت احمەديا ورمارباەۆ پەن مەنىڭ ارامداعى بۇل داۋدى جاقسى ءبىلۋشى ەدى.

بيىل ماۋسىم ايىندا حالىققا قىزمەت كورسەتۋ وتالىعىندا وتىرىپ  جايلاۋباي شامەت دەگەن اقساقالمەن كەزدەسىپ، تانىسىپ قالدىم. ول ءوزىنىڭ ادۆوكات ەكەنىن ايتىپ، كۋالىگىن كورسەتتى. مەن احمەديا ورمارباەۆتاعى الا الماي جۇرگەن اقشام جايلى جايلى ايتىپ ەدىم، ول ماعان: «سوتقا ارىز بەر! مەن اكەسىن تانىتىپ وتىرىپ اقشاڭدى ءوندىرىپ بەرەم!»، - دەدى.

سول جايلاۋباي شامەتكە سەنىپ، مەن احمەديا ورمارباەۆ پەن ارنولد ەۆگەنيدەن اقشامدى ءوندىرىپ بەرۋ تۋرالى سوتقا ارىز بەردىم.

ءۇش مارتە سوت وتىرىسى بولدى.

احمەديا ورمارباەۆتىڭ مەنەن اقشا قارىز العانى، قىتايدان تاۋار الدىرعانى; ارنولد ەۆگەنيگە دە قىتايدان ءبىر جاشىك اراق الدىرىپ بەرگەنىم، ءبىر قويدى سويدىرىپ، ۇيىنە اپارىپ تاستاعانىم جانە ەكەۋىنىڭ ونىڭ اقشاسىن بەرمەي كەلە جاتقانى جايلى مەندە دالەل تولىق بولاتىن.

احمەديا ورمارباەۆ پەن ارنولد ەۆگەنيدىڭ مەنىمەن WhatsApp ارقىلى سويلەسكەن سوزدەرى تەلەفونىمدا تولىق ساقتالعان بولاتىن.

ا. مۇقيبەك:

– راحمان ءىنىم، اڭگىمەنى تۇيىندەڭكىرەپ ايتشى، سوت قانداي شەشىم شىعاردى؟

ابلەيىس راحمان:

– استانا قالاسىنىڭ ازاماتتىق ىستەر جونىندەگى اۋدانارالىق سوتىنىڭ سۋدياسى ق.ا. ەرماعانبەتوۆا تەرگەۋ جۇرگىزدى.

سوتتىڭ العاشقى ەكى وتىرىسى سۋديانىڭ سۇراق بەرىپ، جاۋاپ الۋىمەن ءوتتى.

تەرگەۋ بارىسىندا، احمەديا ورمارباەۆ سۋديانىڭ سۇراعىنا جاۋاپ بەرىپ، «ابلەيىس راحماننىڭ تاۋارىنىڭ اقشاسىن بەرگەم...», - دەپ تۇرىپ الدى. دەمەك، مەنەن ماعان تاۋار الدىرعانىن مويىنداپ تۇر. بىراق، مەن قۇساپ، تاۋاردىڭ اقشاسىن ماعان بەرگەنى تۋرالى تولىق دالەل كەلتىرە المادى.

ءبىر قىزىعى، احمەديا ورمارباەۆ سوتتا ەمەس، تويدا وتىرعان سەكىلدى بولدى. بىرەسە، تەلەفونىن شۇقىلايدى، بىرەسە دالاعا شىعىپ كەتەدى...

ال، ارنولد ەۆگەنيدىڭ قورعاۋشىسى ءىستى قاناعانتاندىرۋسىز قالدىرۋدى سۇرادى.

سول-اق ەكەن، سۋديا سونىڭ ايتۋى بويىنشا، مەنىڭ ارنولد ەۆگەنيدىڭ ۇستىنەن جازعان ارىزمداعى تالاپتارىمدى قاناعاتتاندىرۋسىز قالدىرا سالدى.

قىسقاسى، مەن سوتتا جەڭىلدىم.

بىراق، مەن سوتتىڭ بۇل شەشىمىمەن كەلىسپەيمىن!

سوت ادىلەتتى تەرگەۋ جۇرگىزگەن جوق جانە ادىلەتتى شەشىم دە شىعارعان جوق دەپ ەسەپتەيمىن!

ا. مۇقيبەك:

– جايلاۋباي شامەتتىڭ كومەگى بولعان جوق پا؟

ابلەيىس راحمان:

– جوق! جايلاۋباي شامەت سوتتىڭ العاشقى ەكى وتىرىسىنا قاتىستى دا، سوڭعى سوت وتىرىسىندا توبەسىن كورسەتپەدى. قازىر تەلەفون سوقسام: «ماعان زۆونداما!»، - دەپ جابا سالادى. شاماسى، ول دا ساتىلىپ كەتتى-اۋ دەيمىن...

ا. مۇقيبەك:

– ارى قاراي نە ىستەمەك ويداسىڭ?

ابلەيىس راحمان:

– ارى قاراي اپەللياتسيالىق شاعىم جازباقشىمىن.

جالپى، ەر جىگىت ءۇشىن ميلليون ءۇش ءجۇز مىڭ تەڭگە دەگەن تۇك ەمەس. جان امان بولسا، اقشا تابىلادى. جانىمنىڭ اۋىراتىنى، احمەديا ورمارباەۆ پەن ارنولد ەۆگەنيدىڭ مەنى باسىنعانى، جابىرلەگەنى بولىپ وتىر.

مۇمكىن، شەتتەن كەلگەن قازاق دەپ، كوزگە ىلمەگەن بولار.

ودان دا قورلىعى، ەكەۋىنىڭ «بۇل سەنىڭ قىتايىڭ ەمەس، مىناۋ – قازاقستان! ماعان دىم دا ىستەي المايسىڭ! ماعان پو...!», - دەگەن سوزدەرىنىڭ سوتتا انىق دالەلدەنگەنى بولىپ تۇر.

سۋديانىڭ مىنا شەشىمىنە قاراعاندا، احمەديا ورمارباەۆ پەن ارنولد ەۆگەني ءۇشىن سوت، زاڭ دەگەنىڭىز راسىندا پو... سەكىلدى...

مەنىڭ باستان-اياق دالەلىم تولىق، سۋديا ءادىل شەشىم شىعارادى دەپ ويلادىم جانە سەندىم.

وكىنىشكە وراي، ەرماعانبەتوۆا، ەڭ قۇرىعاندا، مەنىڭ ءۋاجىمدى تولىق تىڭداعان جوق. ءوز دالەلىمدى ايتا باستاسام، «توقتات ءسوزىڭدى!», - دەپ اۋزىمدى اشتىرماۋمەن بولدى.

ءتىپتى، احمەديا ورمارباەۆ پەن ارنولد ەۆگەنيدىڭ WhatsApp ارقىلى ايتقان بۇكىل سوزدەرىن فلەشكاعا جازىپ اپارىپ، سۋدياعا تاپسىرعام عوي.

ا. ەرماعانبەتوۆا سونى انا ەكى جاۋاپكەرگە تىڭداتىپ، «مىناۋ سەندەردىڭ سوزدەرىڭ بە؟!»، - دەگەن دە جوق. اياق-استىنان كومپيۋتەرى «ىستەمەي» قالىپتى...

كومپيۋتەر بۇگىن ىستەمەسە، جوندەتسە، ەرتەڭ ىستەيدى.

سوت وتىرىسىن كەلەسى ءبىر كۇنگە قالدىرىپ، مەنىڭ ۋاجدەرىمدى دە ورتاعا سالۋىنا بولادى عوي.

جوق، سۋديا ا. ەرماعانبەتوۆا مەنىڭ ءسوزىمدى تىڭداماستان، بىردەن ءبىر جاقتىلى شەشىم شىعارا سالدى.

وسى دا ادىلدىك پە، ايتىڭىزشى؟!

ا. مۇقيبەك:

– قازىرگى جۇمىس ورنىڭىزداعى باسشىلارىڭىزدىڭ سىزگە دەگەن مامىلەسى قالاي؟

ابلەيىس راحمان:

– قۇدايعا شۇكىر، قازىرگى باسشىلارىم جاقسى ادامدار ەكەن. ۇلكەن باسشىمىز ماديار تۇقپانوۆتى ءوزىڭىز ەرتىپ بارىپ، جۇمىسقا ورانالاستىرعاننان كەيىن كورگەن جوقپىن.

ال، ءوزىمنىڭ تىكە باسشىم باۋىرجان تۇياقۇلىمەن ءجيى-ءجيى ۇشىراسىپ تۇرامىن. باۋكەڭ كەزدەسكەن سايىن حال-جاعدايىمدى سۇراپ، اعالىق تانىتىپ جۇرەدى.

ال، ودان تومەنگى باسشىلارىم جينالىستا وزگە جىگىتتەرمەن بىرگە مەنىڭ دە اتىمدى اتاپ، جۇمىستى دۇرىس ىستەپ جاتقانىمدى ايتىپ، ماقتاپ قويادى.

مەن بۇل كىسىلەرگە ءدان ريزامىن!

ەندى سىزگە ءوتىنىش، مەنىڭ وسى جاعدايىمدى باق-قا شىعارىپ، ماعان اقپاراتتىق قولداۋ كورسەتىپ قويساڭىز.

ەڭ قۇرىعاندا، مەنى باسىنعان اناۋ احمەديا ورمارباەۆ پەن ارنولد ەۆگەنيدىڭ جىگىتتىككە جات ارەكەتتەرى مەن ق.ا. ەرماعانبەتوۆا سەكىلدى شالاعاي، ادىلەتسىز سۋديانىڭ بار ەكەنىن جۇرت بىلسە ەكەن دەيمىن...

ا. مۇقيبەك:

– كەلەسى سوتتا جەڭىپ شىعۋىڭدى تىلەيمىن!

ابلەيىس راحمان:

– اۋمين! سىزگە كوپ راحمەت!

ماتەريالدى دايىنداپ، رەداكتسياعا ۇسىنعان اۋىت مۇقيبەك

Abai.kz