وقۋ-اعارتۋ ءمينيسترى عاني بەيسەمباەۆ ماڭعىستاۋدا بالالاردىڭ جاپپاي ۋلانۋى ماسەلەسىنە سەبەپكەر بولعاندار قالاي جازالانعانىن ايتتى.

«تاماقتانۋ ماسەلەسىنە قاتىستى بارلىق ءتيىستى وزگەرىس ەنگىزىلگەنمەن، ونى جۇزەگە اسىرۋداعى كاسىپكەرلىكتەردىڭ جاۋاپكەرشىلىگى جايلى ماسەلەنى ۇنەمى كوتەرىپ ءجۇرمىن. ناقتى ماڭعىستاۋ وبلىسى بويىنشا ايتاتىن بولساق، تاماقتانۋمەن اينالىساتىن كاسىپكەر مەكتەپتەن الاستاتىلدى. ول كاسىپكەردىڭ بۇدان بىلاي وزگە مەكتەپتەرگە قىزمەت كورسەتۋىنە دە شەكتەۋ قويىلدى. ودان بولەك، ءتيىستى تۇلعالاردىڭ بارلىعى جاۋاپكەرشىلىككە تارتىلدى. ءبىلىم باسقارماسىنىڭ باسشىسى جۇمىسىنان بوساتىلدى. اكىمنىڭ ورىنباسارى دا وسىنداي جاۋاپقا تارتىلدى. سايكەسىنشە، تاماق جەتكىزگەن كاسىپكەرلىكپەن دە كەلىسىمشارت ءۇزىلدى»، - دەيدى بەيسەمباەۆ.

ايتا كەتەيىك، بۇعان دەيىن ماڭعىستاۋ وبلىسىنىڭ مۇنايلى اۋدانى بەسشوقى اۋىلىنداعى مەكتەپتەردىڭ بىرىندە جالپى 460 بالا ۋلانعانىن  جازعان ەدىك.

Abai.kz