ەگەر ءسىز جۇمىس ىزدەپ كۋرەر (بولشەكتەۋشى، تاراتۋشى، كلادمەن، ترافارەتشى) رەتىندە جوعارى اقى تولەنەتىن جۇمىسقا ۇسىنىس الساڭىز، ويلانىڭىز.

ويتكەنى اتالعان جارناما ەسىرتكى بيزنەسىنە تارتۋدى جاسىرىن كوزدەۋى مۇمكىن.

جالعان تابىس تۋرالى حابارلاندىرۋلارداعى سوزدەر الاڭداتۋ قاجەت. بۇل ەسىرتكى ساتۋشىلاردىڭ ايلاسى.

20 جانە 22 جاستاعى ەكى قىز «جەڭىل اقشا» تابۋعا شەشىم قابىلداپ، ينتەرنەتتە اقشا تابۋدىڭ وڭاي جولىن تاپقان.

قىلمىستىق جوسپارعا سايكەس كۋراتورلاردىڭ كورسەتكەن مەكەنجايلارى بويىنشا پسيحوتروپتىق زاتتار مەن ولاردىڭ انالوگتارىن الىپ، ولاردى بولشەكتەپ وراپ، تاراتقان.

سوتتالۋشىلاردىڭ جالعا العان تۇرعىلىقتى پاتەردەن ولشەپ ورالعان 50 گرامنان استام مەفەدرون تاركىلەندى.

سوتتالۋشىلاردىڭ سوتتاعى سوڭعى سوزدەرى:

«قۇرمەتتى سوت  مەن قاتتى وكىنەمىن، بۇل وڭاي اقشا بولدى، وكىنىشكە وراي، مەن مۇنى وتە كەش ءتۇسىندىم».

سوت ۇكىمىمەن سوتتالۋشىلاردىڭ ارقايسىسى 10 جىلعا باس بوستاندىعىنان ايىرىلدى.

Abai.kz