كورەيا رەسپۋبليكاسىنىڭ دەلەگاتسياسى شىمكەنتكە رەسمي ساپارى بارىسىندا ميراس ۋنيۆەرسيتەتى مەن سەۋل كيبەر ۋنيۆەرسيتەتى اراسىندا ءوزارا تۇسىنىستىك تۋرالى مەموراندۋمعا قول قويىلدى. قۇجاتقا ميراس ۋنيۆەرسيتەتىنىڭ رەكتورى نۇركەن حالىقبەرگەن جانە سەۋل كيبەر ۋنيۆەرسيتەتىنىڭ پرەزيدەنتى ەندجۋ لي قول قويدى.

كەلىسىمنىڭ ماقساتى – ءبىلىم مەن عىلىم سالاسىنداعى ىنتىماقتاستىقتى دامىتۋ جانە نىعايتۋ، سونداي-اق ەكى ۋنيۆەرسيتەت اراسىنداعى اكادەميالىق بايلانىستار مەن ءبىلىم الماسۋدى كۇشەيتۋ. تاراپتار بىرلەسكەن ءبىلىم بەرۋ باعدارلامالارىن جۇزەگە اسىرۋ، ستۋدەنتتەر مەن وقىتۋشىلاردى الماستىرۋ، سونداي-اق كونفەرەنتسيالار، سەمينارلار جانە شەبەرلىك سىنىپتارى سياقتى بىرلەسكەن عىلىمي زەرتتەۋلەر مەن اكادەميالىق ءىس-شارالاردى ۇيىمداستىرۋ جونىندە كەلىسىمگە كەلدى.

«ءبىز سەۋل كيبەر ۋنيۆەرسيتەتىمەن تابىستى ىنتىماقتاستىقتى اسىعا كۇتەمىز. بۇل ەلدەرىمىز اراسىنداعى دوستىقتىڭ ماڭىزدى قادامى، جانە وسى كەلىسىم ورتالىق ازياداعى ادامي كاپيتالدىڭ ساپاسىن جاقسارتۋعا ۇلكەن ىقپال ەتەدى دەپ سەنەمىز. وڭتۇستىك كورەيانىڭ جوعارى ءبىلىم بەرۋ سالاسىنداعى وزىق تەحنولوگيالارىنا قول جەتكىزە وتىرىپ، ءبىز ستۋدەنتتەرىمىز بەن ايماق تۇرعىندارىنا ءبىلىم الۋدىڭ جاڭا مۇمكىندىكتەرىن ۇسىنامىز، بۇل رەتتە ونلاين تەحنولوگيالاردى قولدانۋ ارقىلى ونىڭ قۇنىن تومەندەتەمىز»، - دەپ اتاپ ءوتتى ميراس ۋنيۆەرسيتەتىنىڭ رەكتورى نۇركەن عالىمۇلى.

سونىمەن قاتار ول سەۋل كيبەر ۋنيۆەرسيتەتىنىڭ ونلاين ءبىلىم بەرۋ سالاسىندا ۇلكەن تاجىريبەسى بار ەكەنىن، زاماناۋي باعدارلامالىق قامتاماسىز ەتۋ جانە وزىق ءبىلىم بەرۋ تەحنولوگيالارى قازاقستاندا جاڭا ءبىلىم بەرۋ فورماتتارى مەن زەرتتەۋ جوبالارىنىڭ دامۋىنا ىقپال ەتەتىنىن اتاپ ءوتتى.

ءوز كەزەگىندە، سەۋل كيبەر ۋنيۆەرسيتەتىنىڭ پرەزيدەنتى ەندجۋ لي ءبىلىم بەرۋ سالاسىنداعى حالىقارالىق ىنتىماقتاستىقتىڭ ماڭىزدىلىعىن اتاپ ءوتتى. «ءبىلىم بەرۋ – ەكونوميكالىق جانە الەۋمەتتىك پروگرەستىڭ نەگىزگى فاكتورى. ميراس ۋنيۆەرسيتەتىمەن سەرىكتەستىگىمىز جاڭا ءبىلىم بەرۋ فورماتتارى مەن زەرتتەۋ جوبالارىنىڭ دامۋىنا ىقپال ەتەدى»، - دەدى ول.

قول قويىلعان مەموراندۋم كۇشىنە دەرەۋ ەنەدى جانە تاراپتاردىڭ ءوزارا كەلىسىمى بويىنشا ۇزارتىلۋى مۇمكىن بەس جىل بويى ارەكەت ەتەدى.

Abai.kz