ى.التىنسارين اتىنداعى مەكتەپ قۇرىلىسى 1882 جىلى باستالىپ 1884 جىلى اياقتالدى. وسى جەرگە ى.التىنساريننىڭ كۇشىمەن ترويتسك قالاسىنان ورىس-قازاق ەكى جىلدىق مەكتەبى كوشىرىلدى.

مەكتەپ 1884-1917 جىلدار ارالىعىندا «قوستاناي ەكى سىنىپتىق ۋچيليششەسى»، 1917 جىلدان باستاپ قازاق بالالار كوممۋناسى الدىمەن باستاۋىش، 1923 جىلدان كەيىن جەتى جىلدىق بولىپ وزگەرتىلدى. 1933 جىلى مەكتەپكە ل.ميرزويان ەسىمى، 1938 جىلى جامبىل جاباەۆ ەسىمى بەرىلدى. 1931-1936 جىلدارى بۇل جەردە ولكەلىك ميليتسيا مەكتەبى اشىلدى. 1943 جىلى مەكتەپ عيماراتىندا مۇعالىمدەر ينستيتۋتىنىڭ وقۋ ءبولىمى ورنالاستى. 1960 جىلى ورتا مەكتەپ ىبىراي التىنسارين اتىنداعى قازاق مەكتەپ-ينتەرناتى بولىپ وزگەرتىلدى. 1992 جىلى مەكتەپ ى.التىنسارين اتىنداعى مەكتەپ پەداگوگيكالىق ليتسەي بولىپ قايتا قۇرىلدى. 1994 جىلى ى. التىنسارين اتىنداعى №1 پەداگوگيكالىق ليتسەي-ينتەرناتى بولىپ اتالدى. 2000 جىلى مەكتەبىمىز دارىندى بالالارعا ارنالعان مەكتەپ-ينتەرناتى بولىپ اۋىستىرىلدى.

مەكتەپتىڭ داڭقتى تۇلەكتەرى: ءالىبي جانكەلدين، مۇحامەدجان سەرالين، بەيىمبەت مايلين، سپانديار كوبەەۆ، ءىلياس وماروۆ، ۇلتتىق كاسىبي تەاتر ونەرىنىڭ نەگىزىن سالۋشىلاردىڭ ءبىرى - سەرالى قوجامقۇلوۆ، ەلۋباي ومىرزاقوۆ، تەمىرباي دارقانباەۆ، ءامىر قاناپين، بەكەت وتەتىلەۋوۆ – ىبىراي مەكتەبنىڭ العاشقى ديرەكتورلارىنىڭ ءبىرى.

بيىلعى جىل مەكتەپ ءۇشىن ەلەۋلى جىلداردىڭ ءبىرى. قوستاناي قالاسىندا ورنالاسقان ىبىراي التىنسارين ىرگەتاسىن قالاعان مەكتەبىنە 140 جىل.

2024 جىلدىڭ 24 قازان كۇنى قوستاناي وبلىسىنىڭ ءبىلىم باسقارماسىنىڭ قولداۋىمەن قوستاناي قالاسى ءبىلىم ءبولىمىنىڭ بالالار شىعارماشىلىق مەكتەبىنىڭ ءراسىم زالىندا مەرەيتويلىق ءىس-شارا ءوتتى.

ءىس-شاراعا رەسپۋبليكالىق «دارىن» ورتالىعى، قوستاناي وبلىسىنىڭ ءبىلىم باسقارماسى، قوستاناي وبلىسى ءبىلىم جانە عىلىم ۇيىمدارى قىزمەتكەرلەرىنىڭ جەرگىلىكتى كاسىپتىك وداعىنىڭ توراعاسى، وبلىس توڭىرەگىندە ورنالاسقان ى. التىنسارين اتىنداعى وقۋ ورىندارى، مەكتەپ باسشىلارى، ارداگەر ۇستازدار، اتا-انالار، مەكتەپ ۇستازدارى، تۇلەكتەرى مەن ءبىلىم الۋشىلار قاتىستى.

سالتاناتتى ءىس-شارا بارىسىندا مەكتەپ ۇجىمىنىڭ ۇستازدارى مەن ارداگەرلەرى ارنايى ماراپاتتارعا يە بولدى.

اتاپ كورسەتەتىڭ بولساق:

قازاقستان رەسپۋبليكاسىنىڭ وقۋ اعارتۋ مينيسترلىگى «ەڭبەك ارداگەرى» مەدالىمەن ارداگەر-ۇستازدارى: ك. ابيلگازينا، گ.س. كۋدەباەۆا، م. كاديرگاليەۆا، ش.ي. ماناسباەۆا جانە ر.ك. جانداۋلەتوۆا;

قازاقستان رەسپۋبليكاسىنىڭ وقۋ اعارتۋ مينيسترلىگى «ءبىلىم بەرۋ ءىسىنىڭ قۇرمەتتى قىزمەتكەرى» توسبەلگىسىمەن قازاق ءتىلى مەن ادەبيەتى ءپانىنىڭ مۇعالىمى گ.م. تاسانوۆا;

قازاقستان رەسپۋبليكاسى وقۋ اعارتۋ مينيسترلىگىنىڭ قۇرمەت گراموتاسىمەن تاريح جانە قۇقىق پاندەرىنىڭ مۇعالىمى ا.ت. تۋلەگەنوۆا ماراپاتتالدى;

«دارىن» رەسپۋبليكالىق عىلىمي-پراكتيكالىق ورتالىعىنىڭ 25 جىلدىعىنا ارنالعان مەرەيتويلىق توسبەلگىسىمەن ورىس ءتىلى جانە ادەبيەتى ءپانىنىڭ مۇعالىمدەرى ش.ك.سەيتكوجينا، ز.س. ەسليامگاليەۆا جانە ب.ش.بايتاسوۆا ماراپاتتالدى;

«دارىن» رەسپۋبليكالىق عىلىمي-پراكتيكالىق ورتالىعىنىڭ قۇرمەت گراموتاسى تاربيەشى ۋ.م. سامراتوۆا، دەنە شىنىقتىرۋ ءپانى مۇعالىمى ا.ك. سىپتاەۆ، تاريح ءپانى مۇعالىمى ر. م. تۋرالينا، حيميا ءپانى مۇعالىمى;

ق.ج. جۋماگۋلوۆا، قازاق ءتىلى ءپانى مۇعالىمدەرى  ج.س.بۋلەكباەۆا جانە م.ك. ەرماگامبەتوۆاعا تابىستالدى;

قوستاناي وبلىسى اكىمىنىڭ گراموتاسىنا مەكتەپ قىزمەتكەرلەرى ن.ا. سادۆاكاسوۆا، ە.ا. ايماگامبەتوۆا جانە مەكتەپ ديرەكتورىنىڭ تاربيە جونىندەگى ورىنباسارى  ا.ن. سەريكباەۆا يە بولدى;

قوستاناي وبلىسى ءبىلىم جانە عىلىم ۇيىمدارى قىزمەتكەرلەرىنىڭ جەرگىلىكتى كاسىپتىك وداعى قوعامدىق بىرلەستىگىنىڭ «ەڭبەك ارداگەرى» مەدالىمەن مەكتەپتىڭ قىزمەتكەر ارداگەرلەرى ب.م. تۋكەشوۆا ا.ت.كارامەرگەنوۆاعا ۇسىنىلدى.

مەكتەپ تۇلەكتەرى ىبىراي مەكتەبىندە 20 جىل ۇستازدىق ەتكەن ۇستازدارىن ارنايى وزدەرى دايىنداعان مەرەيتويلىق توسبەلگىلەرمەن ماراپاتتادى.

كەش بارىسىندا تاريح عىلىمدارىنىڭ دوكتورى، پروفەسسور، قازاقستان رەسپۋبليكاسىنىڭ ۇلتتىق جاراتىلىستانۋ عىلىمدارى اكادەمياسىنىڭ تولىق مۇشەسى، مەكتەپ تۇلەگى امانجول كۋزەمبايۇلى، 1963 جىلعى تۇلەك قوقانوۆ اسحات ەرعاليۇلى جانە 2008 جىلعى تۇلەك قازاقستان رەسپۋبليكاسى پرەزيدەنتىنىڭ جانىنداعى مەملەكەتتىك باسقارۋ اكادەمياسى ديپلوماتيا ينستيتۋتىنىڭ اسسيستەنتى، حالىقارالىق كوشى-قون ۇيىمى (حكۇ) – بۇۇ كوشى-قون اگەنتتىگىنىڭ ۇلتتىق كونسۋلتانتى باعلاي باۋىرجان مەكتەپ ۇجىمىنا ءوز تىلەكتەرىن ايتتى.

ىبىراي مەكتەبىندە 10 جىل قىزمەت ەتكەن كومپوزيتور قايىرعالي ءابىشوۆ «ىبىراي اتا مەكتەبى» ءانىن تارتۋ ەتتى. مەكتەبىمىزدىڭ تۇلەگى قازاقستان رەسپۋبليكاسىنىڭ مادەنيەت سالاسىنىڭ ۇزدىگى سالتانات وتەلباەۆا «مەكتەپكە ارناۋ» تەرمەسىمەن كورەرمەندەردى ءبىر قۋانتسا، ال مەكتەپ وقۋشىلارى ءوز ونەرلەرىمەن قوناقتاردى ءتانتى ەتتى.

Abai.kz