اتىشۋلى "حۋتور" قىلمىستىق توبىنىڭ جەتەكشىسى دەپ تانىلعان حاسان قاسىمباەۆتىڭ اناسى گۇلنار نۇراكەنوۆا الەۋمەتتىك جەلىگە ۇلىنىڭ ۇستالۋىنا قاتىستى رەسمي مالىمدەمە جاسادى.

گۇلنار نۇراكەنوۆا پرەزيدەنتتەن كومەك سۇرادى.

"مەنىڭ بالامنىڭ ءىسىن ادىلەتتى شەشىپ بەرۋىڭىزدى، ءىستى ءوز قاراماعىڭىزعا الىپ، وسىنى انىقتاپ بەرۋىڭىزدى سۇرايمىن. بالامدى جازىقسىز كىنالاپ وتىر. كىناسىن دالەلدەپ بەرسىن. دەپارتامەنتكە دە سول ءۇشىن كەلىپ وتىرمىن. جاۋابىن سول كىسىلەردەن كۇتەمىن", - دەيدى قاسىمباەۆتىڭ اناسى.

بۇگىن تالعارلىق شەرزات بولاتتىڭ ولىمىنەن كەيىن اتى قىزۋ تالقىعا تۇسكەن حۋتورلىق حاسان قاسىمباەۆ ۇستالعانى حابارلانعان بولاتىن. ارتىنشا پوليتسيا قاسىمباەۆ  نە ءۇشىن ۇستالعانىن ءتۇسىندىردى.

كەيبىر دەرەكتەر بويىنشا ول 2021 جىلى جاساعان قىلمىسى ءۇشىن ۇستالعان.

Abai.kz