الماتىدا جەر سىلكىندى: تجم مالىمدەمە جاسادى
الماتى وبلىسىنىڭ تالعار قالاسىندا قيراۋلار مەن زارداپ شەككەندەر تۋرالى اقپارات تۇسكەن جوق. تىرشىلىكتى قامتاماسىز ەتۋ نىساندارى شتاتتىق رەجيمدە جۇمىس ىستەپ جاتىر.
«قازسەلدەنقورعاۋ» اتەتۋ ماماندارى وزەن ارنالارىن، گيدروتەحنيكالىق قۇرىلىستاردى، كوشكىن قاۋىپتى جانە سەل قاۋىپتى ۋچاسكەلەردى زەرتتەپ شىقتى.
سونداي-اق، الماتى قالاسىنىڭ پاترۋلدىك پوليتسيا قىزمەتكەرلەرى تىرشىلىكتى قامتاماسىز ەتۋ نىساندارىن ارالاپ، تەكسەرۋ جۇمىستارىن جۇرگىزدى.
«تەكسەرۋ ناتيجەلەرى بويىنشا زاقىمدانۋ تابىلعان جوق، قازىرگى ۋاقىتتا اتالعان وبەكتىلەر شتاتتىق رەجيمدە جۇمىس ىستەيدى. تجم جەلىسى بويىنشا قيراۋلار مەن زارداپ شەككەندەر تۋرالى مالىمەت تۇسكەن جوق. جاعداي تۇراقتى»، — دەپ حابارلادى تجم ءباسپاسوز قىزمەتىنەن.
Abai.kz
