ورالدا قالالىق سوتتىڭ توراعاسى رۋسلان جۇماعۇلوۆ پارا الىپ جاتقان جەرىنەن ۇستالدى.

بقو پروكۋراتۋراسىەنىڭ مالىمەتىنشە، سوتتالۋشىعا قاتىستى وڭ شەشىم شىعارۋ ءۇشىن سوت توراعاسى 1,5 ميلليون تەڭگە پارا العان. رۋسلان جۇماعۇلوۆپەن بىرگە تاعى ەكى ادۆوكات ۇستالدى.

قىلمىستىق كودەكستىڭ 366-بابى 1-1-بولىگىنە ساي، «پارا الۋ» بويىنشا قىلمىستىق ءىس قوزعالدى. ۇلتتىق قاۋىپسىزدىك كوميتەتىنىڭ ورتالىق اپپاراتى مەن باتىس قازاقستان بويىنشا دەپارتامەنتىنىڭ قىزمەتكەرلەرى جەدەل-ىزدەستىرۋ ءىس-شارالارىمەن اينالىسىپ جاتىر.

رۋسلان جۇماعۇلوۆ 2001-2011 جىلدار ارالىعىندا باتىس قازاقستان وبلىسىنىڭ پروكۋراتۋراسىندا قىزمەت اتقارعان. 2011-2015 جىلدارى زاڭگەر بولىپ جۇمىس ىستەدى. 2015 جىلى ورال قالالىق سوتىنىڭ سۋدياسى بولسا، 2019 جىلى قالالىق سوتتىڭ توراعاسى بولىپ تاعايىندالدى.

Abai.kz