ناتو باس حاتشىسى: «ۋكرايناداعى سوعىس ونىڭ شەگىنەن شىقتى. رەسەي ەۋروپاعا ديۆەرسيالىق شابۋىلدى كۇشەيتۋدە»، - دەپ مالىمدەدى.

«رەسەي ۋكراينانى سوعىستا قولدايتىن ناتو ەلدەرىندەگى ديۆەرسيالىق قىزمەتتى جانداندىردى»، - دەپ مالىمدەدى ناتو باس حاتشىسى مارك ريۋتتە بەرلينگە ساپارى كەزىندە.

«ءبىزدىڭ وداقتاستارىمىزدىڭ اۋماعىندا گيبريدتىك شابۋىلداردىڭ كۇشەيۋى، ءبىزدىڭ دەموكراتيالىق جۇيەلەرىمىزگە تىكەلەي ارالاسۋ! بۇل ونەركاسىپتىڭ سابوتاجى مەن زورلىق-زومبىلىق ارەكەتتەرى بولىپ سانالادى. وسىنىڭ ءبارى مايدان شەبىنىڭ اۋقىمىنىڭ ءوز سىزىعىنان شىعىپ كەتكەنىن بىلدىرەدى»، - دەدى ناتو باس حاتشىسى.

ريۋتتەنىڭ پىكىرىنشە، ۋكرايناداعى سوعىس ونىڭ شەگىنەن شىعىپ كەتىپ، «بالتىق وڭىرىنە، باتىس ەۋروپاعا جانە ءتىپتى قيىر سولتۇستىككە» باعدار ۇستاندى.

ريۋتتە سونداي-اق «ۋكراينا ناتو-عا مۇشە بولادى» دەگەن سەنىمىن ءبىلدىرىپ، ەلدىڭ اليانستاعى جولىنداعى داڭعىل «كوپىرى» قازىردىڭ وزىندە سالىنىپ جاتقانىن ايتتى.

Abai.kz