ءماجىلىس دەپۋتاتى قايرات بالابيەۆ ۆاۋچەرلىك قارجىلاندىرۋ مەحانيزمىن توقتاتۋدى ۇسىندى.

دەپۋتات وقۋ-اعارتۋ مينيسترلىگىنىڭ ۆاۋچەرلىك قارجىلاندىرۋ مەحانيزمىن ەنگىزۋ تۋرالى باستاماسى دا قوعامدا ۇلكەن سىنعا ۇشىراپ جاتقانىن ايتتى.

ۆاۋچەرلىك مەحانيزمنىڭ ەنگىزىلۋى اتا-انالار مەن جەكەمەنشىك بالاباقشا قۇرىلتايشىلارىنىڭ قارسىلىعىن تۋعىزىپ جاتىر. ولاردىڭ ايتۋىنشا، پيلوتتىق جوبا تولىققاندى دايىندىقسىز جۇزەگە اسىرىلىپ جاتىر. قارجىلاندىرۋ مەن بالالاردى تىزىمگە الۋ مەحانيزمىندە كوپتەگەن ولقىلىق بار. پيلوتتىق جوباعا ۇسىنىستار مينيسترگە قولما-قول ۇسىنىلسا دا، ەسكەرىلمەگەن. وقۋ-اعارتۋ ءمينيسترىن شىمكەنت قالاسى مەن تۇركىستان وبلىسىنىڭ جەكەمەنشىك بالاباقشا قۇرىلتايشىلارى ءالى كۇنگە دەيىن توسىپ ءجۇر، - دەدى بالابيەۆ.

دەپۋتاتتىڭ سوزىنشە، شىمكەنتتە، تۇركىستان جانە جامبىل وبلىستارىندا مىڭداعان بالاباقشا قۇرىلتايشىلارى ۆاۋچەرلىك قارجىلاندىرۋ جۇيەسىنە ماجبۇرلەپ قوستىرۋ جۇرگىزىلگەندىگىن ايتىپ ءجۇر.

بۇل جوبانى قارجىلاندىرۋ، بالالاردىڭ ءتىزىمىن جاساقتاۋ مەن كەزەگىن كۇتتىرمەۋ مەحانيزمىندە ولقىلىقتار وتە كوپ. ءتىزىمدى جەرگىلىكتى ءبىلىم باسقارمالارى بەكىتەتىن تۇسى جانە وقۋ-اعارتۋ مينيسترلىگى ۆاۋچەرلىك قارجىلاندىرۋدى «قارجى ورتالىعى» سىلتەۋى ورىنسىز دەپ سانايمىن. جەكەمەنشىك بالاباقشالاردىڭ كوپشىلىگى پيلوتتىق جوبانىڭ كەمشىلىكتەرىنە بايلانىستى مەملەكەتتىك تاپسىرىستى ورىنداۋدان باس تارتۋعا ءماجبۇر. بالاباقشالار كوممەرتسيالىق نەگىزدە بالا قابىلداۋعا اۋىسسا، ەڭ تومەنگى جالاقىسى 85 مىڭ تەڭگەنىڭ 70 مىڭ تەڭگەسىن تولەي المايدى. تەك ءبىر ەمەس، بىرنەشە بالاسى باقشاعا باراتىن وتباسىلار بارشىلىق. ال بۇل اتا-انالار ءۇشىن قوسىمشا قارجىلىق اۋىرتپالىق بولارى ايتپاسا دا، تۇسىنىكتى، - دەيدى ءماجىلىس دەپۋتاتى قايرات بالابيەۆ پرەمەر-ءمينيستردىڭ ورىنباسارى تامارا دۇيسەنوۆاعا جولداعان ساۋالىندا.

Abai.kz