قازاقستاندى تولىق بانديتتەردەن تازارتۋ مىندەتى قويىلدى. بۇل تۋرالى DALA INSIDE جازدى.

قۇقىق قورعاۋ ورگاندارىنىڭ جابىق كونسۋلتاتسيالارىندا "90 جىلعى رەكەت، براتۆا" ۇعىمدارىنىڭ قايتىپ ورالماۋى ءۇشىن ءتيىمدى امالدار تالقىلانۋدا. 2026 جىلى ەلىمىزدە ءبىر دە ءبىر بانديت قالماۋى ءتيىس.

بانديتيزمگە قانداي دا ءبىر قاتىسى بار دەگەن ىستەر قايتا قارالىپ، كەزىندە قۇتىلىپ كەتكەن شورتاندار جاپپاي ۇستالاتىن بولادى. ەل اراسىندا ايتىلىپ جۇرگەن باندالار تۋرالى سوزدەرگە دە ءمان بەرۋ، ولاردىڭ شىن-وتىرىگىن تەكسەرۋ تۋرالى مىندەت تە قويىلدى. يدەولوگيالىق بلوكقا جاستار اراسىندا ءجۇرۋى مۇمكىن "تۇرمە رومانتيكاسىنا" پروپاگاندا كۇشىمەن كۇرەسۋ دە ۇسىنىلدى.

مەكتەپ وقۋشىلارىنىڭ اراسىندا تۇرمەگە "جىلۋ" (گرەۆ) جيناۋ وقيعالارىن انىقتاپ، ونىڭ ۇيىمداستىرۋشىلارىن جاپپاي ۇستاۋ تاپسىرىلدى.

"ۇيىمداسقان قىلمىسپەن كۇرەس" بولىمدەرى كۇشەيتىلىپ، شتاتتارى مەن كەرەك-جاراقتارى ۇلعايادى دەپ بولجانعان. 2025 جىلى بانديتتەرگە قيىن بولايىن دەپ تۇر", - دەيدى DALA INSIDE دەرەككوزى.

وكىنىشكە وراي، قازاقستان قىلمىس دەڭگەيى جوعارى ەلدەرگە جاتادى. 2024 جىلعى Numbeo رەيتينگىندە قازاقستان 146 ەلدىڭ ىشىندە 75-ءشى ورىنعا تۇراقتادى. تمد ەلدەرى اراسىندا قىرعىزستان (41 ورىن), بەلارۋس (53 ورىن), ۋكراينا (68 ورىن) ەلدەرىندە جاعداي بىزدەن ناشار. وزبەكستاندا (118 ورىن), ارمەنيادا (139 ورىن) قىلمىس دەڭگەيى وتە تومەن.

الماتى قازاقستان مەن ورتالىق ازيا بويىنشا ادام ومىرىنە ەڭ قاۋىپتى جەر دەپ سانالادى. بۇكىل ءوڭىردىڭ قىلمىستىق استاناسى اتانعان الماتىدا جىل سايىن كەمىندە 40 ادام قىلمىسكەر قولىنان قازا تابۋدا.

Abai.kz