جوعارى وقۋ ورنىنداعى ساپالى ءبىلىم – قوعامنىڭ ەكونوميكالىق، الەۋمەتتىك جانە مادەني دامۋىنا ىقپال ەتەتىن نەگىزگى فاكتورلاردىڭ ءبىرى. ساپالى ءبىلىم ءاربىر ستۋدەنتكە قاجەتتى تەوريالىق ءبىلىمدى، كاسىبي داعدىلاردى، سونداي-اق ءوزىن-ءوزى جەتىلدىرۋ مەن الەۋمەتتىك تۇرعىدان بەلسەندى بولۋدى قامتاماسىز ەتەدى.

بۇۇ-نىڭ باستاۋىمەن العاش رەت «تۇراقتى دامۋ» كونتسەپتسياسى ۇسىنىلدى. «تۇراقتى دامۋ ماقساتتارى» – قازىرگى ۋاقىتتىڭ قاجەتتىلىگىن قامتاماسىز ەتە وتىرىپ، بولاشاق ۇرپاقتاردىڭ ءوزىنىڭ قاجەتتىلىكتەرىن قامتاماسىز ەتۋىنە قاۋىپ تۋعىزبايتىن دامۋ.تۇراقتى دامۋ ماقساتتارى  كونتسەپتسياسىنىڭ 4 ءبولىمى –«ساپالى  ءبىلىم» ەكەن العا تارتقىم كەلەدى.جوعارى وقۋ ورنىندا ساپالى ءبىلىم الۋ كەلەسى فاكتورلارعا بايلانىستى:

1.ساپالى ءبىلىم بەرۋ ءۇشىن بىلىكتى، تاجىريبەلى جانە ءوز ىسىنە ادال وقىتۋشىلاردىڭ بولۋى ماڭىزدى. ولاردىڭ تەك ءبىلىم بەرۋدەگى ەمەس، سونىمەن قاتار ءوز سالاسىندا زەرتتەۋلەر جۇرگىزۋگە، جاڭاشىلدىقتاردى ەندىرۋگە دەگەن ۇمتىلىسى قاجەت.

2.جوو-لار ستۋدەنتتەرگە تەك تەوريالىق ءبىلىم عانا بەرىپ قويماي، عىلىمي-زەرتتەۋ جۇمىستارىنا قاتىسۋعا مۇمكىندىك بەرسە، ولار ءوز سالاسىندا جاڭاشىلدىقتاردى قولدانۋعا جانە كاسىبي داعدىلارىن شىڭداۋعا مۇمكىندىك الادى.

3.قازىرگى زامان تالابىنا ساي جابدىقتالعان اۋديتوريالار، زەرتحانالار، كىتاپحانالار مەن ەلەكتروندىق رەسۋرستار ستۋدەنتتەرگە ساپالى ءبىلىم الۋعا قولايلى جاعداي تۋعىزادى.

4.شەتەلدىك ۋنيۆەرسيتەتتەرمەن بايلانىس ورناتۋ، اكادەميالىق الماسۋ باعدارلامالارى ستۋدەنتتەر مەن وقىتۋشىلارعا باسقا ەلدەردىڭ تاجىريبەسىن ۇيرەنۋگە جانە ءوز بىلىكتىلىكتەرىن ارتتىرۋعا جاعداي جاسايدى.

5.ستۋدەنتتەرگە اكادەميالىق تۇرعىدان عانا ەمەس، جەكە قاسيەتتەرىن، سىني ويلاۋ مەن شىعارماشىلىق قابىلەتتەرىن دامىتۋعا مۇمكىندىك بەرەتىن كۋرستار، ترەنينگتەر مەن قوعامدىق ءىس-شارالاردىڭ ماڭىزى زور.

ءال-فارابي اتىنداعى قازۇۋ زاڭ فاكۋلتەتى ازاماتتىق قۇقىق جانە ازاماتتىق ءىس جۇرگىزۋ، ەڭبەك قۇقىعى كافەدراسى جوعارىدا اتالعان فاكتورلار نەگىزىندە جۇمىس جاسايدى.وقىتۋشىلار قۇرامىنىڭ باستى ماقساتى- ساپالى ءبىلىم بەرۋ. ساپالى ءبىلىم بەرۋ – جەكە تۇلعانىڭ دامۋىنا، ونىڭ كاسىبي جانە جەكە ومىردە تابىستى بولۋىنا مۇمكىندىك بەرەتىن باستى قۇرالدىڭ ءبىرى. بۇگىنگى كۇننىڭ تالابىنا ساي ساپالى ءبىلىم بەرۋ تەك كاسىبي داعدىلاردى ۇيرەتۋ عانا ەمەس، سونداي-اق تۇلعالىق دامۋ مەن الەۋمەتتىك بەلسەندىلىكتى ارتتىرۋدى دا قامتيدى.ساپالى ءبىلىم الۋ ارقىلى جاس ۇرپاق الەۋمەتتىك ورتاعا تەز بەيىمدەلىپ، باسەكەگە قابىلەتتى مامان بولىپ شىعادى. قازۇۋ ءداستۇر ساباقتاستىعىن ساقتاي وتىرىپ، زامانعا ساي جاڭعىرۋدا. ستۋدەنتتەردىڭ الاڭسىز ءبىلىم الۋىنا بارلىق جاعداي جاسالعان. ءبىلىمى مەن عىلىمى دامىعان ەل قاشان دا باسەكەگە قابىلەتتى. سەبەبى ساپالى ءبىلىم – ەلىمىزدىڭ بولاشاعى. ەلىمىزدە دە ءبىلىم بەرۋ جۇيەسى سانعا عانا ەمەس، ساپاعا نەگىزدەۋ – بۇگىنگى كۇننىڭ باستى تالابى. سانالى دا ساپالى ۇرپاق تاربيەلەۋ ارقىلى عانا بيىككە شىعاتىنىمىزدى ەسكەرسەك، بۇل ماسەلە ۇدايى نازاردا بولۋى ءتيىس.

سۋلەيمەنوۆا س.ج

ءال-فارابي اتىنداعى قازۇۋ-دىڭ زاڭ فاكۋلتەتى  ازاماتتىق قۇقىق جانە ازاماتتىق ءىس جۇرگىزۋ،ەڭبەك قۇقىعى كافەدراسىنىڭ مەڭگەرۋشىسى،زاڭ عىلىمدارىنىڭ دوكتورى،پروفەسسور

Abai.kz