جامبىل: ەكى ازاماتتان اسا ءىرى كولەمدە ەسىرتكى تاركىلەندى
ۇقك ءباسپاسوز قىزمەتى جامبىل وبلىسىندا ەكى ازاماتتان اسا ءىرى كولەمدە ەسىرتكى تاركىلەنگەنىن مالىمدەدى.
دەرەككە قاراعاندا، وسى جىلدىڭ قازانىندا ۇقك جامبىل وبلىسى بويىنشا دەپارتامەنتى پروكۋراتۋرا ورگاندارىنىڭ ۇيلەستىرۋىمەن ەسىرتكىنى اسا ءىرى كولەمدە تاسىمالدادى جانە ساتتى دەگەن كۇدىكپەن ەكى ەسىرتكى توبىنىڭ ارەكەتىنىڭ جولىن كەستى.
«وڭىردەگى ت.رىسقۇلوۆ جانە مەركى اۋداندارىندا 14 كگ-دان استام گاشيش پەن 42 كگ ماريحۋانانى ساتۋعا ارەكەتتەنگەن ەكى قازاقستان ازاماتى ۇستالىپ، سوت سانكتسياسىمەن قاماۋعا الىندى»، — دەپ ناقتىلادى ۆەدومستۆودان.
قىلمىستىق كودەكستىڭ 297-بابى 3-بولىگى بويىنشا سوتقا دەيىنگى تەرگەپ-تەكسەرۋ جۇرگىزىلۋدە.
Abai.kz
