بۇل تۋرالى شقو پد كريمينالدىق پوليتسيا باسقارماسىنىڭ اعا جەدەل ۋاكىلى نۇراي ارىستانبەك شقو وڭىرلىك كوممۋنيكاتسيالار قىزمەتىندە وتكەن ءباسپاسوز كونفەرەنتسياسىندا مالىمدەدى.

- اقپاراتتىق تەحنولوگيالاردىڭ دامۋىمەن بىرگە الاياقتاردىڭ دا قولداناتىن ادىستەرى كوبەيە ءتۇستى. ەڭ كەڭ تارالعان ادىستەر - ءوزىن بانك پەن كوممۋنالدىق قىزمەتكەر رەتىندە تانىستىرۋ، مەملەكەتتىك ورگانداردىڭ اتىنان حابارلاسۋ جانە زياندى سىلتەمەلەر ارقىلى مەسسەندجەرلەردى بۇزۋ. 2024 جىلدىڭ 11 ايىندا 700-دەن استام تۇرعىن اياقتاردان زارداپ شەككەن، - دەدى ول.

ينتەرنەت-الاياقتىقپەن كۇرەسۋدىڭ ءتيىمدى ادىستەرىنىڭ ءبىرى — الدىن الۋ شارالارىن جۇرگىزۋ. سوندىقتان وڭىردە اقپاراتتىق-پروفيلاكتيكالىق شارالارعا باسىمدىق بەرىلىپ وتىر.

- مىلاسى، كەشەلى بەرى وبلىستا «انتي-فرود» شاراسى باستالدى. سونىمەن قاتار «ستوپ-الاياق» شاراسى دا ۇنەمى جۇرگىزىلىپ تۇرادى. پوليتسيا قىزمەتكەرلەرى تۇرعىن ۇيلەردى ارالاپ، ينتەرنەت-الاياقتىقتىڭ تۇرلەرى تۋرالى ەسكەرتۋلەر جاساپ، حالىقتىڭ قارجىلىق جانە قۇقىقتىق ساۋاتتىلىعىن ارتتىرۋ ماقساتىندا اقپارات تاراتىپ جاتىر. بۇگىنگى كۇنى قىلمىستاردى ءتيىمدى تەرگەۋ ءۇشىن شىعىس قازاقستان وبلىسى پوليتسيا دەپارتامەنتى جانىنان كيبەرقىلمىستاردى اشۋمەن اينالىساتىن ارنايى «كيبەرپول» ءبولىمى قۇرىلعان، - دەدى نۇراي ارىستانبەك.