سوڭعى بىرنەشە كۇندە «Jasalash.kz» پورتالى مەن الەۋمەتتىك جەلىلەردە جاريالانعان مادەنيەت مينيسترلىگىنىڭ جۇمىسىن سىنعا العان ءبىر توپ ايگىلى مادەنيەت قايراتكەرلەرىنىڭ اشىق حاتى قىزۋ تالقىلانۋدا.

اشىق حات قر پرەزيدەنتى قاسىم-جومارت توقاەۆقا، ۇكىمەت باسشىسى ولجاس بەكتەنوۆكە جانە قازاقستان پارلامەنتىنىڭ قوس پالاتاسىنداعى دەپۋتاتتارعا باعىتتالعان. حاتقا قول قول قويعان بەلگىلى ونەر قايراتكەرلەرى مەن زيالى قاۋىم وكىلدەرى وتاندىق كينەماتوگرافيادا، جالپى مادەنيەت سالاسىندا قالىپتاسقان جاعدايعا قاتتى الاڭداۋشىلىق تانىتىپ، پرەزيدەنتتىڭ ءوزى بۇل ماسەلەنى باقىلاۋعا الۋىن سۇرايدى.

«اbai.kz» پورتالى قازاقستاننىڭ حالىق ءارتيسى ءاسانالى اشىموۆكە حابارلاسىپ، ءمان-جايدى سۇراعان ەدى. ءاسانالى ءاشىموۆ ول حاتقا قول قويماعانىن مالىمدەدى.

«مەن ەشقانداي اشىق حاتقا قول قويعان جوقپىن. تەك ءمينيستردىڭ قابىلداۋىنا جازىلۋدى ءوتىنىپ، حات جولداعان بولاتىنبىز. ال قازىرگى مادەنيەت مينيسترلىگىنە كوڭىلىم تولادى. مينيسترلىكتىڭ جۇمىسىنا قارسىلىق بىلىدىرەتىندەي ەش حاتقا قول قويمادىم»، - دەگەن ءاسانالى ءاشىموۆ.

سۋرەت: Abai.kz سكرينى

دەسە دە، كەيىن اشىق حاتتى ۇيىمداستىرۋشىلار رەداكتسيامىزعا ا.ءاشىموۆتىڭ قول قويعانىن راستايتىن قۇجاتتى ۇسىندى.

اشىق حات

وسىدان سوڭ، ءبىز قوعامدا رەزونانس تۋدىرعان اتالمىش اشىق حاتقا قول قويعان، پرەزيدەنتكە كينوگەرلەر ۇندەۋىن جەتكىزۋشىلەردىڭ ءبىرى، قر ەڭبەك سىڭىرگەن قايراتكەرى، كينوپروديۋسەر قانات تورەبايعا حابارلاسىپ، ءمان-جايدى سۇرادىق.

«مەن اسەكەڭنىڭ «قول قويمادىم» دەپ ايتقانىنا سەنبەيمىن. ءوزى قولىن قويعانىنا مەن كۋامىن. ابىز اقساقالىمىز باسىندا «زيالىلار پرەزيدەنتكە حات جولدايىق» دەپ، ءوزى تاپسىرما بەرگەن. بۇل ۇسىنىستى «قازاقفيلمنىڭ» پلانەركاسىندا ءوزى ايتقان، ول جەردە قازاقستان كينوگەرلەر وداعىنىڭ باسقارما مۇشەلەرى دە بولعان»، - دەدى قانات تورەباي.

قالعانىن وقىرمان ءوزى تارازىلار.

Abai.kz