سولتۇستىك اتلانتيكالىق اليانس (ناتو) ۋكرايناعا رەسەي باستاعان سوعىستى كەلىسسوزدەرمەن اياقتاۋعا كومەكتەسۋى كەرەك، بىراق بىلەك كۇشى ءوزىن تانىتۋى كەرەك. بۇل تۋرالى ناتو-نىڭ باس حاتشىسى مارك ريۋتتە لاتۆيا پرەزيدەنتى ەدگارس رينكەۆيچپەن بىرلەسىپ وتكىزگەن ءباسپاسوز ءماسليحاتىندا مالىمدەدى.

ونىڭ ايتۋىنشا، سوعىستى توقتاتۋ ءۇشىن رەسەيمەن كەلىسسوزدەردى قاشان باستاۋ كەرەكتىگىن تەك كيەۆ قانا شەشە الادى. بۇل رەتتە ناتو-عا مۇشە ەلدەر ۋكرايناعا رەسەيمەن كەلىسسوزدەر جۇرگىزە الاتىنداي پوزيتسياعا جەتكەنشە اسكەري كومەك كورسەتۋدى جالعاستىرۋى كەرەك.

«رەسەيمەن كەلىسسوزدەردى باستاۋ-باستاماۋدى جانە بۇل سوعىستى قالاي اياقتاۋ كەرەكتىگىن تەك ۋكراينا بيلىگى عانا شەشە الادى. بىراق ولار مۇنى بىلەك كۇشى تۇرعىسىنان جۇزەگە اسىرۋ كەرەك. سوندىقتان ءبىز ۋكرايناعا قورعانىس كومەگىن جەتكىزۋدى جالعاستىرا بەرۋىمىز كەرەك»، - دەدى ناتو باس حاتشىسى.

سونداي-اق ريۋتتە كيەۆتىڭ ناتو-عا مۇشە بولۋ جولى قايتىمسىز ەكەنىن تاعى دا قايتالادى:

«ءبىز 40 ملرد ەۋرو ءبولىپ، بەيبىتشىلىك كوپىرىن سالىپ جاتىرمىز. ۆيسبادەندە وداقتاستاردىڭ ۋكراينامەن ەكىجاقتى دەڭگەيدە جاساسقان قاۋىپسىزدىك جونىندەگى بارلىق كەلىسىمدەرى نەگىزىندە قولباسشىلىق قۇرىلدى. مۇنىڭ ءبارى ۋكراينانىڭ ناتو-عا قوسقان ۇلەسى بولىپ تابىلادى»،-دەپ ءسوزىن تۇيىندەدى.

Abai.kz