«ەكونوميكانى ءارتاراپتارىندىرۋ — ول ۇكىمەتتىڭ الدىندا تۇرعان ەڭ ماڭىزدى مىندەتتەردىڭ ءبىرى. مەملەكەت باسشىسى دا ۇنەمى وسى ماسەلەگە نازار اۋدارادى. سوندىقتان ۇكىمەت پەن قۇزىرلى ورگاندار وسى باعىتتا بەنسەندى جۇمىستى اتقارىپ جاتىر، قازىردىڭ وزىندە ناتيجەسى بار دەپ ايتۋعا بولادى. ستاتيستيكاعا سۇيەنسەك، وڭدەۋ ونەركاسىبى كولەمى بويىنشا قازىر شيكازات سەكتورىنان اسىپ كەتىپ جاتىر. ناقتى تسيفرلاردى ايتاتىن بولساق، وڭدەۋ ونەركاسىبىنىڭ ۇلەسى 47 پايىز قۇراسا، شيكىزات سەكتورىنىڭ ۇلەسى 45 پايىز شاماسىندا. ارينە، وسى باعىتتا بەلسەندى جۇمىس اتقارۋ كەرەك. قابىلدانعان شەشىمدەردىڭ ارقاسىندا ءبىرىنشى كەزەكتە شيكىزاتتى ەكسپورتقا ەمەس، ىشكى نارىققا جىبەرىپ جاتىرمىز. وسى ءىس-شارالاردىڭ ناتيجەسىندە قازىر اليۋميني مەن مىس بويىنشا وڭدەۋ كورسەتكىشتەرىن 2 ەسەگە ۇلعايتتىق»، — دەدى و. بەكتەنوۆ.

ونىڭ ايتۋىنشا، ەكونوميكانى ءارتاراپتاندىرۋ باعىتىندا وتە ماڭىزدى ماسەلە — ول وتاندىق وندىرۋشىلەردى قولداۋ. ماسەلەن، مەملەكەتتىك ساتىپ الۋ اياسىندا ءتيىستى قادامدار جاسالىپ جاتىر.

«ءبىز تەك قازاقستاندىق تاۋار وندىرۋشىلەردەن ساتىپ الىناتىن ونىمدەردىڭ تىزبەسىن 1,5 مىڭنان 4,5 مىڭعا دەيىنگى تاۋارلىق پوزيتسياعا جەتكىزدىك. بۇل ءوز كەزەگىندە ۇلكەن قولداۋ بولادى. ياعني كەز كەلگەن مەملەكەتتىك ورگان نەمەسە كۆازيمەملەكەتتىك كومپانيا وسى 4,5 مىڭ تاۋارلىق پوزيتسيا بويىنشا ەشقانداي يمپورتتىق ءونىم ساتىپ الا المايدى. تەك قازاقستاندا جاسالعان تاۋارلاردى الادى. وسى ءىس-شارالاردىڭ ناتيجەسىندە بيىلدىڭ وزىندە قازاقستاندىق تاۋار وندىرۋشىلەرمەن جاسالعان كەلىسىمشارتتاردىڭ سانى 55 پايىزعا ءوستى. بۇل كەلىسىمشارتتاردىڭ جالپى سوماسى 350 ملرد تەڭگەگە دەيىن جەتتى»، — دەدى ۇكىمەت باسشىسى.

ونىڭ سوزىنە قاراعاندا، ەلىمىزدىڭ وڭىرلەرىندە ءىرى وندىرىستىك جوبالار ىسكە اسىرىلىپ جاتىر.

«بۇل وندىرىستەر — جالپى ءبىزدىڭ ەكونوميكانىڭ قۇرىلىمىن وزگەرتۋگە مۇمكىندىك بەرەتىن نىساندار. قابىلدانىپ جاتقان شارالاردىڭ ناتيجەسىندە، بيىل وڭدەلگەن ءونىم ەكسپورتى 6,4 پايىزعا ءوسىپ جاتىر. كەرىسىنشە، وڭدەلگەن ءونىم يمپورتى 7,2 پايىزعا تومەندەدى»، — دەدى پرمەر-مينيستر.