«جولاۋشىلار تاسىمالىنا توقتالاتىن بولساق، 2024 جىلدىڭ 10 ايىندا 17 ملن 600 مىڭ جولاۋشى تاسىمالداندى. بۇل وتكەن جىلدىڭ سايكەس كەزەڭىمەن سالىستىرعاندا 6%-عا جوعارى. جىل سوڭىنا دەيىن 21 ملن جولاۋشى تاسىمالداۋ جوسپارلانىپ وتىر. تاسىمالداۋ پروتسەسىنىڭ قولايلىلىعىن قامتاماسىز ەتۋ ءۇشىن تەمىرجول ۆوكزالدارىن مودەرنيزاتسيالاۋ قاجەت»، - دەدى مينيستر.

ونىڭ ايتۋىنشا، قازىر تەك قىزىلوردا، شىمكەنت، پاۆلودار جانە تۇركىستان قالالارىنىڭ ۆوكزالدارى عانا تولىق كۇردەلى جوندەۋدەن وتكەن.

«59 نەگىزگى تەمىرجول ۆوكزالىنىڭ 54-ءى (جەرگىلىكتى اكىمدىكتەر بالانسىندا – 4, قتج بالانسىندا – 50) جوندەۋدى تالاپ ەتەدى. قازىرگى ۋاقىتتا تەك قىزىلوردا، شىمكەنت، پاۆلودار جانە تۇركىستان قالالارىنىڭ ۆوكزالدارى تولىق كۇردەلى جوندەۋدەن ءوتتى. قالعان ۆوكزالداردى جوندەۋ بويىنشا قاجەتتى تەحنيكالىق قۇجاتتار ازىرلەنۋدە جانە قارجىلاندىرۋ كوزدەرى مەن مەحانيزمدەرى پىسىقتالىپ جاتىر»، - دەدى مارات قاراباەۆ.

Abai.kz