ونىڭ ايتۋىنشا، مەملەكەت ەڭ اۋەلى الەۋمەتتىك باسپانالاردىڭ باعاسىنىڭ تۇراقتاندىرۋعا كۇش سالادى. بۇل رەتتە مينيستر “ناۋرىز”، “وتاۋ” باعدارلاماسى جايلى، اكىمدىكتەر بولەتىن، جالعا بەرىلەتىن پاتەرلەردى ايتىپ وتىر. بۇل باعىتتاعى باسپانالاردىڭ باعاسى شارلاپاەۆتىڭ ايتۋىنشا، وزگەرمەۋى كەرەك.

– بىزدە قۇرىلىستا قولدانىلاتىن قۇرىلىس ماتەريالدارىنىڭ 70 پايىزى قازاقستاننىڭ ءونىمى. دەمەك، بىزدە ول باعىتتا الەۋمەتتىك باعدارلامالار شەڭبەرىندە باعالاردىڭ جوعارى شەگىن رەتتەيتىن مۇمكىندىك بار”، – دەيدى ول.

ال جەكە باسپانا نارىعى تۋرالى ايتقان شارلاپاەۆ نارىقتا سۇرانىس كوپ دەيدى. پرەميۋم، ەكونوم ساناتتاعى ۇيلەر جەتەرلىك.

– بۇل باسپانالار بويىنشا نارىقتىق تەتىكتەر جۇمىس ىستەيدى. بىراق ءبىز تاعى دا قازاقستاندا قۇرىلىس ماتەريالدارىنىڭ 70 پايىزى وتاندىق ءونىم ەكەنىن اتاپ وتكىمىز كەلەدى. بازالىق ارماتۋرا، بەتون، تسەمەنت ءبارى وندىرىلەدى، – دەيدى ول.

دەسە دە، نارىقتاعى وزگەرىستەردى مينيستر جوققا شىعارمايدى.

– البەتتە، وزگەرىستەر بولادى. بىراق نارىقتىق ەكونوميكا بولعاننان كەيىن ءار سەگمەنتتەگى باسپانادا ءوز ساتىپ الۋشىلارى بار. ناقتى بولجام ايتۋ قيىن شىعار. ءبىز الەۋمەتتىك باسپانالاردىڭ باعاسىن رەتتەۋ جاعىندا جۇمىس ىستەيمىز، – دەيدى ول.

Abai.kz