ءال-فارابي اتىنداعى قازاق ۇلتتىق ۋنيۆەرسيتەتى تەك جوعارى ءبىلىم بەرۋ ورداسى عانا ەمەس، سونىمەن بىرگە بەلسەندى، جان-جاقتى دامىعان، كوشباسشىلىق قاسيەتتەرگە يە جاستاردى قالىپتاستىراتىن ورتالىق.

قازۇۋ ستۋدەنتتەرىنىڭ بەلسەندى ءومىرى ولاردىڭ ءبىلىم الۋ مەن شىعارماشىلىقتى، سپورت پەن الەۋمەتتىك جاۋاپكەرشىلىكتى ۇيلەستىرۋ ارقىلى جان-جاقتى دامۋىنا مۇمكىندىك بەرەدى. ۋنيۆەرسيتەت تەك ءدارىس زالدارىندا عانا ەمەس، ءتۇرلى قوعامدىق ءىس-شارالاردا دا بەلسەندى. ۋنيۆەرسيتەتتەگى جاستار ۇيىمدارى مەن كلۋبتارى ءاربىر ستۋدەنتكە ءوزىنىڭ قىزىعۋشىلىقتارى مەن تالانتتارىن دامىتۋعا مۇمكىندىك بەرەدى. مۇندا مادەنيەت، ونەر، سپورت، عىلىم جانە الەۋمەتتىك باعىتتاعى 100-دەن استام ستۋدەنتتىك ۇيىم جۇمىس ىستەيدى.

قازۇۋ ستۋدەنتتەرىنىڭ سپورتتىق جەتىستىكتەرى – ولاردىڭ بەلسەندى ءومىرىنىڭ ءبىر ايقىن كورىنىسى. ۋنيۆەرسيتەت سپورت زالدارى، فيتنەس ورتالىقتارى مەن اشىق الاڭدار ارقىلى ستۋدەنتتەردىڭ سالاۋاتتى ءومىر سالتىن ۇستانۋىنا جاعداي جاسايدى. سپورتشىلارى رەسپۋبليكالىق جانە حالىقارالىق جارىستاردا ۇزدىك ناتيجەلەر كورسەتىپ، ۋنيۆەرسيتەت ابىرويىن اسقاقتاتىپ ءجۇر. سونىمەن قاتار، قازۇۋ-دا ءداستۇرلى تۇردە سپورتتىق جارىستار مەن مارافوندار ۇيىمداستىرىلادى، بۇل ستۋدەنتتەر اراسىنداعى دوستىق پەن ىنتىماقتاستىقتى نىعايتا تۇسەدى. ستۋدەنتتەردىڭ بەلسەندى ومىرىندە الەۋمەتتىك جاۋاپكەرشىلىك ماڭىزدى ورىن الادى. ولار ەكولوگيالىق اكتسيالارعا، قايىرىمدىلىق ءىس-شارالارعا جانە الەۋمەتتىك جوبالارعا قاتىسۋ ارقىلى قوعامنىڭ دامۋىنا ۇلەس قوسادى. مىسالى اعاش وتىرعىزۋ، قارتتار ۇيىنە كومەك كورسەتۋ، بالالار ۇيلەرىنە دەمەۋ كورسەتۋ سياقتى شارالارعا ستۋدەنتتەر ۇنەمى قاتىسىپ وتىرادى. سونىمەن قاتار، ستۋدەنتتەر الماتى قالاسىنىڭ جانە جالپى قازاقستاننىڭ قوعامدىق ومىرىندە بەلسەندى ءرول اتقارادى. ولار جاستار فورۋمدارىنا، كەزدەسۋلەرىنە جانە باسقا دا ماڭىزدى ءىس-شارالارعا قاتىسىپ، ءوز ويلارى مەن يدەيالارىن بولىسەدى.

ستۋدەنتتەردىڭ  بەلسەندى ءومىرى ولاردىڭ بولاشاق كوشباسشى رەتىندە قالىپتاسۋىنا ىقپال ەتەدى. ۋنيۆەرسيتەت قابىرعاسىندا العان تاجىريبە مەن داعدىلار تۇلەكتەردىڭ كاسىبي مانسابىندا ماڭىزدى ءرول اتقارادى. بەلسەندى جاستار بولاشاقتا قوعامنىڭ ءارتۇرلى سالالارىندا بىلىكتى مامان، كوشباسشى جانە ەلدىڭ دامۋىنا ۇلەس قوساتىن ازامات بولادى. قازۇۋ ستۋدەنتتەرىنىڭ بەلسەندى ءومىرى – ولاردىڭ شىعارماشىل، ءبىلىمدى جانە جاۋاپتى تۇلعا رەتىندە دامۋىنىڭ جارقىن دالەلى. وقۋ ورداسى تەك ءبىلىم بەرىپ قانا قويماي، جاستاردىڭ جان-جاقتى دامۋىنا، قوعامعا پايدالى ىستەر اتقارۋىنا جانە ءوز بولاشاعىن سەنىمدى تۇردە قالىپتاستىرۋىنا مۇمكىندىك بەرەدى. ءاربىر قازۇۋ ستۋدەنتى – بولاشاقتىڭ جارقىن كوشباسشىسى. ولاردىڭ بەلسەندى ءومىرى قازاقستاننىڭ دامۋى مەن گۇلدەنۋىنە جاڭا سەرپىن بەرەدى.

گ.ن.مۇحاماديەۆا، ءا. م.ەرعالي، و.ن.تىلەپبەرگەنوۆ

ءال-فارابي اتىنداعى قازۇۋ زاڭ فاكۋلتەتى قىلمىستىق قۇقىق قىلمىستىق ءىس جۇرگىزۋ جانە كريميناليستيكا كافەدراسىنىڭ پروفەسسورلارى

Abai.kz