بۇگىن قر ۇلتتىق ەكونوميكا ءمينيسترى اۋىستى. پرەمەر-ءمينيسترىنىڭ ورىنباسارى – ۇلتتىق ەكونوميكا ءمينيسترى نۇرلان بايبازاروۆ قىزمەتىنەن الىندى.

اقوردا جارلىعىندا: «مەملەكەت باسشىسىنىڭ جارلىعىمەن نۇرلان سەرىكۇلى بايبازاروۆ قازاقستان رەسپۋبليكاسى پرەمەر-ءمينيسترىنىڭ ورىنباسارى – ۇلتتىق ەكونوميكا ءمينيسترى لاۋازىمىنان بوساتىلدى»، - دەپ جازىلعان.

پرەمەر-مينيستر ولجاس بەكتەنوۆ ۇلتتىق ەكونوميكا مينيسترلىگى ۇجىمىنا ۆەدومستۆونىڭ جاڭا باسشىسى سەرىك جۇمانعاريندى تانىستىردى.

ولجاس بەكتەنوۆ نۇرلان بايبازاروۆقا ۆيتسە-پرەمەر – ۇلتتىق ەكونوميكا ءمينيسترى رەتىندە اتقارعان جۇمىستارى ءۇشىن العىسىن ءبىلدىرىپ، الداعى قىزمەتىنە تابىس تىلەدى.

سەرىك جۇمانعاريندى تانىستارۋ بارىسىندا پرەمەر-مينيستر ۆەدومستۆونىڭ الداعى كەزەڭگە ارنالعان باسىم مىندەتى – مەملەكەت باسشىسىنىڭ ەكونوميكانىڭ سەرپىندى ءوسىمىن قامتاماسىز ەتۋ جونىندەگى تاپسىرماسىن ورىنداۋ ەكەنىن باسا ايتتى.

بۇگىنگى تاڭدا ەكونوميكا تۇراقتى ءوسۋ ءۇردىسىن كورسەتىپ وتىر. ەكونوميكانى قۇرىلىمدىق وزگەرتۋ، بيۋدجەت، سالىق ساياساتىنىڭ تيىمدىلىگى مەن بيۋدجەتتىك پارامەترلەردى بولجاۋ دەڭگەيىن ارتتىرۋ جۇمىستارىن كۇشەيتۋ تاپسىرىلدى.

بۇدان باسقا، باسىم سالالارداعى ەكونوميكالىق ءوسۋدى قامتاماسىز ەتۋ ءۇشىن ۇلتتىق ەكونوميكا مينيسترلىگى بيزنەستى قولداۋدىڭ تەڭگەرىمدى ساياساتىن جانە تاريفتىك رەتتەۋدىڭ سالماقتى ساياساتىن جۇرگىزۋى قاجەت.

اقوردا جارلىعىندا: «مەملەكەت باسشىسىنىڭ جارلىعىمەن سەرىك ماقاشۇلى جۇمانعارين قازاقستان رەسپۋبليكاسى پرەمەر-ءمينيسترىنىڭ ورىنباسارى – ۇلتتىق ەكونوميكا ءمينيسترى بولىپ تاعايىندالدى ول بۇرىنعى اتقارعان لاۋازىمىنان بوساتىلدى»، - دەپ جازىلعان.

Abai.kz