ولجاس بەكتەنوۆ «جاسىل ەكونوميكاعا» كوشۋ جونىندەگى كەڭەس وتىرىسىن وتكىزدى. بۇل تۋرالى ۇكىمەتتىڭ ءباسپاسوز قىزمەتى حابارلادجى. 

ۇكىمەتتە پرەمەر-مينيستر ولجاس بەكتەنوۆتىڭ توراعالىعىمەن «جاسىل ەكونوميكاعا» كوشۋ جونىندەگى كەڭەستىڭ وتىرىسى ءوتتى. كەڭەستە پرەزيدەنتتىڭ ەكولوگيالىق تەپە-تەڭدىكتى ساقتاۋ جانە ەلىمىزدىڭ تۇراقتى ەكونوميكالىق پروگرەسىن قامتاماسىز ەتۋ جونىندەگى تاپسىرمالارىنىڭ ورىندالۋ بارىسى قارالدى. الماتى قالاسى، شىعىس قازاقستان جانە قاراعاندى وبلىستارى اكىمدەرىنىڭ «جاسىل ەكونوميكا» ينديكاتورلارىنا قول جەتكىزۋ جونىندەگى ءىس-شارالار جوسپارىن ىسكە اسىرۋ تۋرالى باياندامالارى تىڭدالدى.

نەگىزگى ەكولوگيالىق سىن-قاتەرلەر، اتاپ ايتقاندا اۋانىڭ لاستانۋى، قالدىقتاردى باسقارۋ جانە قورشاعان ورتاعا تەرىس اسەردى ازايتۋ جانە باسقا دا شارالار قارالدى. ەكولوگيا جانە تابيعي رەسۋرستار مينيسترلىگىنىڭ دەرەكتەرى بويىنشا ەلىمىزدىڭ 15 قالاسىندا اۋانىڭ لاستانۋ دەڭگەيى جوعارى، ونىڭ ىشىندە الماتى جانە قاراعاندى قالالارىندا بۇل كورسەتكىش «وتە جوعارى» دەڭگەيدە.

سونداي-اق كەڭەس وتىرىسىنا ساراپشىلار: «جاسىل اكادەميا» عىلىمي-ءبىلىم بەرۋ ورتالىعىنىڭ ديرەكتورى باقىت ەسەكينا، «قازاقستاننىڭ ەكولوگيالىق ۇيىمدارى قاۋىمداستىعى» زتب باسقارما توراعاسى ايگۇل سولوۆەۆا، قازاقستاندىق KazWaste قالدىقتاردى باسقارۋ قاۋىمداستىعىنىڭ اتقارۋشى ديرەكتورى ۆەرا مۇستافينا قاتىسىپ، ءسوز سويلەدى.

Abai.kz