قازاقستان رەسپۋبليكاسى پارلامەنتى سەناتىنىڭ قارجى جانە بيۋدجەت كوميتەتىنىڭ توراعاسى سۇلتانبەك ماكەجانوۆ «Jibek Joly» تەلەارناسىنىڭ «ۋادە» جوباسىنا سۇحبات بەردى. سەناتور ۇلتتىق قوردىڭ قازىرگى جاعدايى جانە ونىڭ بولاشاعىنا قاتىستى وزەكتى ماسەلەلەردى ايتتى.

سۇلتانبەك ماكەجانوۆتىڭ ايتۋىنشا، قازىرگى تاڭدا ۇلتتىق قوردا 58 ملرد اقش دوللارىنا تەڭ قارجى بار. سەناتور بالالارعا ينۆەستيتسيالىق تابىس ەسەبىنەن 50%-ى بولىنگەنىن، ءار بالاعا بيىل 100 دوللار بەرىلگەنىن اتاپ ءوتتى. كەلەسى جىلى بۇل كورسەتكىشتىڭ 130 دوللارعا دەيىن ءوسۋى جوسپارلانىپ وتىر.

سۇحبات بارىسىندا جۋرناليست ەربولات مۇحامەدجان ۇلتتىق قوردى ۇلعايتۋدىڭ ناقتى جوسپارلارى تۋرالى سۇراق قويدى.

سەناتوردىڭ ايتۋىنشا، قوردىڭ 2030 جىلعا دەيىنگى دامۋىنا ارنالعان ستراتەگياسى بار.

«قوردىڭ ءوسىمى جوسپارلانعان. ەگەر بيىلعى جىلى قور 58 ملرد دوللار بولسا، كەلەسى جىلى 62 ملرد دوللارعا، ال ودان كەيىنگى جىلى 69 ملرد دوللارعا جەتەدى دەپ كۇتىلۋدە. الايدا، گەوساياسي احۋال جانە كورشى ەلدەرگە تاۋەلدىلىك سياقتى سىرتقى فاكتورلار بەلگىلى ءبىر قاۋىپ تۋدىرادى. دەگەنمەن، بۇل پروتسەستى ۇلتتىق ەكونوميكا مينيسترلىگىمەن بىرلەسىپ ءار توقسان سايىن باقىلاپ وتىرامىز»، – دەپ ءتۇسىندىردى سەناتور.

ايتا كەتۋ كەرەك، ۇلتتىق قوردىڭ باستى مىندەتى – بولاشاق ۇرپاق ءۇشىن قارجى رەزەرۆىن جيناقتاپ، جاھاندىق شيكىزات نارىعىنداعى وزگەرىستەردىڭ ەلىمىزدىڭ ەكونوميكاسىنا اسەرىن ازايتۋ.

سۇحباتقا سىلتەمە:

Abai.kz