باس پروكۋراتۋرانىڭ قىزمەتكەرلەرى قازاقستاننىڭ بەلارۋستەگى ەلشىلىگىنىڭ كومەگىمەن، كۇدىكتىنى بەلارۋس رەسپۋبليكاسىنان ءىرى مولشەردەگى الاياقتىق ءۇشىن قىلمىستىق جاۋاپتىلىققا تارتۋ ماقساتىندا ەكستراديتسيالادى.

ول، 2022 جىلدىڭ قاڭتارىنان 2023 جىلدىڭ تامىزىنا دەيىنگى كەزەڭدە تۇركىستان قالاسىندا ءبىر توپ ادام بولىپ ارەكەت ەتىپ، كاسىپ اشۋ ءۇشىن تەگىن اقشالاي گرانت الۋعا كومەكتەسەمىز دەگەن سىلتاۋمەن 13 ازاماتتىڭ قاراجاتىن ۇرلاعان، ولارعا 10 ميلليون تەڭگەدەن ءىرى مولشەردە شىعىن اكەلدى.

بۇل قىلمىستىڭ سىبايلاسى سوتتالعان، ال كۇدىكتى زاڭسىز ارەكەت جاساعاننان كەيىن قاشىپ كەتكەن جانە حالىقارالىق ىزدەۋگە جاريالانعان. 2024 جىلدىڭ قازان ايىندا ول بەلارۋستە ۇستالىپ، قازاقستان باس پروكۋراتۋراسىنىڭ ءوتىنىشى بويىنشا وتانىنا ەكستراديتسيالاندى.

قازىر كۇدىكتى استاناداعى تەرگەۋ يزولياتورىنا قامالدى.

بۇل قىلمىستى جاساعانى ءۇشىن مۇلكىن تاركىلەۋ ارقىلى ءۇش جىلدان جەتى جىلعا دەيىن باس بوستاندىعىنان ايىرۋ تۇرىندە جازا قاراستىرىلعان.

Abai.kz