مەملەكەت باسشىسى جوعارعى سوت توراعاسى اسلامبەك مەرعاليەۆتى قابىلدادى. بۇل تۋرالى اقوردا حابارلادى.

اسلامبەك مەرعاليەۆ:

– سوت جۇيەسى قىزمەتىنىڭ بىلتىرعى قورىتىندىلارى تۋرالى مالىمەت بەردى: – ازاماتتار مەن كاسىپكەرلەردىڭ قۇقىقتارىن، ەركىندىگىن جانە زاڭدى مۇددەلەرىن قورعاۋ، زاڭ ۇستەمدىگىن قامتاماسىز ەتۋ سوت جۇمىسىنىڭ باسىمدىعى سانالادى.

– قارالعان ىستەر مەن ماتەريالدار سانىنىڭ ۇلعايعانى، سونداي-اق سوڭعى 5 جىلدا سوت تورەلىگىن جۇزەگە اسىرۋ ساپاسىنىڭ ەڭ جوعارى كورسەتكىشىنە (جەرگىلىكتى سوتتاردىڭ سوت اكتىلەرىنىڭ 98,9 پايىزى زاڭدى ءارى نەگىزى بار دەپ تانىلعان) قول جەتكىزىلگەنى جونىندە باياندادى.

– ازاماتتىق جانە اكىمشىلىك ىستەر بويىنشا سوتقا دەيىنگى تاتۋلاسۋ راسىمدەرى كوپتەپ قولدانىلىپ جاتىر.

– القابيلەردىڭ قۇزىرەتى كەڭەيىپ، ولار قارايتىن ىستەردىڭ سانى (147-دەن 261-گە دەيىن) ەكى ەسەگە وسكەن.

– سالاعا جاساندى ينتەللەكت تەحنولوگيالارىن ەنگىزۋ جايىندا ايتتى.

– بۇل ءادىس بىركەلكى سوت پراكتيكاسىن قالىپتاستىرۋعا، سۋديالاردىڭ جۇمىسىن ايتارلىقتاي جەڭىلدەتۋگە ىقپال ەتەدى (ماتەريالدار مەن ىستەردىڭ ۇشتەن ءبىر بولىگى، ياعني 2 ميلليون ءىستىڭ 665 مىڭى روبوتتى تەحنيكانى قولدانۋ ارقىلى قارالعان).

– سۋديالاردىڭ دەربەستىگىن نىعايتۋ مەن اكىمشىلىك ادىلەت سالاسىن كەڭەيتۋگە باعىتتالعان زاڭ شىعارۋ باستامالارى، سونداي-اق كاسساتسيالىق سوتتار قۇرۋ تۋرالى حاباردار ەتتى.

مەملەكەت باسشىسى زاڭ ۇستەمدىگىن قامتاماسىز ەتۋدىڭ جانە قوعامنىڭ سوتتارعا سەنىمىن ارتتىرۋدىڭ ماڭىزىن اتاپ ءوتتى.

Abai.kz