شەتەلدە جۇرگەن قازاقستاندىقتار اراسىندا الاياقتىقتىڭ جاڭا ءتۇرى پايدا بولدى، دەپ حابارلايدى Qaz365.kz. بۇل تۋرالى قر ىشكى ىستەر مينيسترلىگى مالىمدەمە جاسادى.

– شەتەلدە ءبىلىم الىپ نەمەسە جۇمىس ىستەپ جاتقان قازاقستاندىقتاردىڭ ءوزارا اقپارات الماسىپ، ءبىر-بىرىنە كومەكتەسەتىن Telegram جانە WhatsApp-چاتتارىندا الاياقتىقتىڭ جاڭا ءتۇرى پايدا بولدى. قاسكويلەر وزدەرىن قازاقستاندىق ازامات رەتىندە تانىستىرىپ، ادەتتەگىدەن ءتيىمدى شارتتارمەن ۆاليۋتا ايىرباستاۋ قىزمەتىن ۇسىنعان. كورەيادا، قىتايدا جانە اقش-تا وسىلاي الداۋ جاعدايلارى ورىن الدى. ازاماتتاردى ساق بولۋعا جانە كۇماندى ۇسىنىستاردى قابىلداماۋعا شاقىرامىز، – دەلىنگەن ءىىم-ءنىڭ حابارلاماسىندا.

ايلاسىن اسىرعان الاياقتار تۇسكەن قاراجاتتى العاننان كەيىن حات-حابارلاردى ءوشىرىپ، چاتتاردان شىعىپ كەتەدى ەكەن.

Abai.kz