28 قاڭتاردا ۇكىمەت وتىرىسىندا ۇلتتىق ەكونوميكا ءمينيسترى سەرىك جۇمانعارين قوسىلعان قۇن سالىعى (ققس) مولشەرلەمەسىن 16%-دان 20%-عا دەيىن ارتتىرۋ جوسپارى تۋرالى ايتتى.

بۇل شارا تاۋارلار مەن قىزمەتتەر باعاسىنىڭ وسۋىنە، سونداي-اق ينفلياتسيانىڭ كۇشەيۋىنە اسەر ەتەدى دەپ كۇتىلۋدە. ءمينيستردىڭ ايتۋىنشا، ققس مولشەرلەمەسىنىڭ ارتۋى كاسىپورىندارعا شامامەن 4% جۇكتەمە اكەلسە، تۇتىنۋشىلار ءۇشىن تاۋارلار مەن قىزمەتتەردىڭ قىمباتتاۋىنا اكەلەدى. بۇل ينفلياتسيانىڭ 4,5%-عا دەيىن وسۋىنە ىقپال ەتۋى مۇمكىن.

«ققس مولشەرلەمەسىن 16%-دان 20%-عا دەيىن كوتەرۋ تالقىلانۋدا. بۇل مىندەتتى تۇردە باعالارعا اسەر ەتەدى. دەگەنمەن، ءبىز بۇل ءوسىمدى قىسقا مەرزىمدى دەپ باعالايمىز جانە ونى الەۋمەتتىك قولداۋ شارالارى ارقىلى تەڭەستىرۋدى جوسپارلاپ وتىرمىز»، – دەدى سەرىك جۇمانعارين.

تاۋارلار مەن قىزمەتتەردىڭ قىمباتتاۋى حالىقتىڭ الەۋمەتتىك وسال توپتارىنا اسەر ەتپەۋى ءۇشىن ۇكىمەت قوسىمشا شارالار قابىلداۋدى جوسپارلاپ وتىر: مەملەكەتتىك مەكەمە قىزمەتكەرلەرىنىڭ جالاقىسى مەن زەينەتاقى مولشەرىن يندەكساتسيالاۋ; ادرەستىك الەۋمەتتىك كومەكتى ۇلعايتۋ.

Abai.kz