مەملەكەت باسشىسى ەلدەگى ەڭ باي كاسىپكەرلەرمەن كەزدەسىپ، سالىق ساياساتىن قايتا قاراۋ تۋرالى تاپسىرما بەردى. بۇل تۋرالى مىڭ تەڭگە تەلەگرام ارناسى جازدى. 

بيزنەس ەليتانىڭ الدىڭعى قاتارىندا Kaspi.kz اكتسيونەرى ۆياچەسلاۆ كيم (5,8 ملرد دوللار), Halyk Bank-ءتىڭ قوجايىندارى تيمۋر جانە دينارا قۇلىباەۆتار (5 ملرد دوللار), ForteBank-ءتىڭ ماجوريتارلىق اكتسيونەرى بولات وتەمۇراتوۆ (2,7 ملرد دوللار) جانە Halyk Bank باسقارما ءتورايىمى ءۇمىت شاياحمەتوۆا بولدى.

اقشا مەن اكتيۆتەردىڭ ءيىسى شىققان جەردە Freedom Holding Corp. نەگىزىن قالاۋشى تيمۋر تۋرلوۆ (3,3 ملرد دوللار), Astana Group يەسى نۇرلان سماعۇلوۆ (980 ملن دوللار), BI Group باسشىسى ايدىن راحىمباەۆ (886 ملن دوللار), بانك تسەنتركرەديت اكتسيونەرى باحىتبەك بايسەيىتوۆ (376 ملن دوللار) سەكىلدى ميللياردەرلەر دە جايعاستى.

كەزدەسۋدە “اتامەكەن” ۇكپ باسشىسى رايىمبەك باتالوۆ, بۇرىنعى سەناتور يۋري تسحاي, “وليمپ” زەرتحانالارىنىڭ نەگىزىن قالاۋشى ەرلان سۇلەيمەنوۆ, قاراعاندى فارماتسەۆتيكالىق كەشەنىنىڭ باس ديرەكتورى سەرگەي بارون سياقتى ەسىمدەر دە بولدى.

مەملەكەتتىك بيلىكتىڭ “حالىقشىل” وكىلدەرى دە تىس قالمادى. پرەمەر-مينيستر ولجاس بەكتەنوۆ, ۇلتتىق ەكونوميكا ءمينيسترى سەرىك جۇمانعارين, ۇلتتىق بانك توراعاسى تيمۋر سۇلەيمەنوۆ, “سامۇرىق-قازىنا” قورىنىڭ باسشىسى نۇرلان جاقىپوۆ, باسەكەلەستىكتى قورعاۋ اگەنتتىگىنىڭ توراعاسى مارات وماروۆ جانە تاعى باسقالار شاقىرىلدى.

كۇن تارتىبىندە – سالىق ساياساتىن قايتا قاراۋ، ەكونوميكالىق دامۋ جانە بيزنەستى قولداۋ ماسەلەلەرى. بيزنەسمەندەر ءۇشىن بۇل “ينۆەستيتسيالىق احۋالدى جاقسارتۋ” بولسا، قاراپايىم حالىق ءۇشىن – جاڭا رەفورمالار مەن وزگەرىستەر. قانداي وزگەرىستەر ەكەنىن ۋاقىت كورسەتەدى.

Abai.kz