سوڭعى ءۇش جىلدا الماتىدا 650 شاقىرىم جول جوندەلىپ، 100 شاقىرىم جاڭا جول سالىندى. 

ءار شىعارىلىمدا اۆتورلار قالا تۇرعىندارى، تاريحشىلار جانە ساۋلەتشىلەرمەن بىرگە بۇرىن بەلگىسىز بولىپ كەلگەن دەرەكتەردى اشادى. سونداي-اق قالالىق بيلىك وكىلدەرىمەن بىرلەسىپ، قوعامدىق كەڭىستىكتەردى، كوشەلەر مەن داڭعىلداردى قايتا جاڭعىرتۋ جانە تۇرلەندىرۋ جوسپارلارىن بولىسەدى.

«الماتى كوشەلەرى» – بۇل مەگاپوليسپەن بىرگە دامىپ، وسەتىن تۇتاس ءبىر تاريح پەن ەرەكشە الەم. باعدارلامانىڭ جاڭا شىعارىلىمى تۇرار رىسقۇلوۆ داڭعىلىنا ارنالدى.

16 شاقىرىمعا سوزىلعان بۇل قالالىق ماگيسترال – الماتىنىڭ شىعىس جانە باتىس بولىكتەرىن بايلانىستىراتىن ماڭىزدى كولىك كۇرەتامىرى.

سوڭعى جىلدارى الماتىدا كولىك قاجەتتىلىكتەرىنە ساي بولۋ ءۇشىن 5 جاڭا جول ايرىعى مەن جەر ءۇستى جاياۋ جۇرگىنشىلەر وتكەلى سالىندى.

«پرەزيدەنتتىڭ راديالدى جولداردى قالانىڭ شەكاراسىنا دەيىن جەتكىزۋ تۋرالى تاپسىرماسى اياسىندا بۇگىندە بىزدە 5 جوبا جۇزەگە اسىرىلۋدا. سولاردىڭ ءبىرى – تۇرار رىسقۇلوۆ داڭعىلىن وڭعارسىنوۆ كوشەسىنەن قالانىڭ شەكاراسىنا دەيىن ۇزارتۋ جوباسى، جالپى ۇزىندىعى 2,3 شاقىرىم. جۇمىستار وتكەن جىلى باستالدى جانە جەر تەلىمدەرىن ساتىپ الۋ پروتسەسىنە قاراي جالعاسۋدا»، – دەدى جول ينفراقۇرىلىمى ءبولىمىنىڭ جەتەكشىسى ايدوس جىلدىقباەۆ.

الداعى جىلدارى داڭعىلدى ودان ءارى دامىتۋ جانە ونى ۇاااج-عا ينتەگراتسيالاۋ جوسپارلانۋدا، بۇل قالا ورتالىعىنداعى كوشەلەردىڭ جۇكتەمەسىن ايتارلىقتاي ازايتىپ، لوگيستيكانى جاقسارتادى.

ايتا كەتۋ كەرەك، سوڭعى ءۇش جىلدا الماتىدا 85 جاڭا قوعامدىق كەڭىستىك قۇرىلىپ، 71 قوعامدىق ورىن قايتا جاڭعىرتىلدى. 650 شاقىرىم جول جوندەلىپ، 100 شاقىرىم جاڭا جول سالىندى. بيىل ورتاشا جوندەۋ جۇمىستارى تاعى 300 شاقىرىم جولدى قامتىپ، 35 شاقىرىمنان استام جاڭا جول سالۋ جوسپارلانۋدا.

2024 جىلى پانفيلوۆ كوشەسىن قابانباي باتىر كوشەسىنەن جىبەك جولى داڭعىلىنا دەيىن اباتتاندىرۋ جوباسى اياقتالدى. جوبا اياسىندا جول توسەمى مەن شاعىن ساۋلەتتىك پىشىندەر جاڭارتىلىپ، كوگالداندىرۋ ايماعى 20%-عا ۇلعايتىلدى، سونىمەن قاتار كوپجىلدىق بۇتالار وتىرعىزىلدى.

بيىل جىبەك جولى داڭعىلىنىڭ (نازارباەۆ داڭعىلىنان سەيفۋللين داڭعىلىنا دەيىن) جاياۋ جۇرگىنشىلەر ايماعى «قاسبەتتەن قاسبەتكە دەيىن» قاعيداتى بويىنشا جوندەلەدى، سونداي-اق ع. مۇسىرەپوۆ اتىنداعى بالالار مەن جاسوسپىرىمدەر تەاترى جانىنداعى ساياباق جاڭعىرتىلادى.

باعدارلامانىڭ الداعى شىعارىلىمدارىندا Almaty TV ۇجىمى الماتى قالاسى اكىمىنىڭ باستاماسىمەن العاش رەت دوستىق داڭعىلى مەن پۋشكين كوشەسىن «قاسبەتتەن قاسبەتكە دەيىن» قاعيداتى بويىنشا اباتتاندىرۋ جوباسى جۇزەگە اسىرىلاتىنىن باياندايدى. بۇل جوبا كولىك جولدارىن عانا ەمەس، تروتۋارلاردى، اۋلالاردى، عيماراتتاردىڭ قاسبەتتەرىن جانە كوگالداندىرۋدى قامتيدى.

المالى اۋدانىنىڭ تۇرعىندارىمەن كەزدەسۋ بارىسىندا قالا اكىمى ەربولات دوساەۆ 2025 جىلى جىبەك جولى داڭعىلىنىڭ (نازارباەۆ داڭعىلىنان سەيفۋللين داڭعىلىنا دەيىن) جاياۋ جۇرگىنشىلەر ايماعىن «قاسبەتتەن قاسبەتكە دەيىن» جوندەۋ جانە ع. مۇسىرەپوۆ اتىنداعى بالالار مەن جاسوسپىرىمدەر تەاترى جانىنداعى ساياباقتى قايتا قۇرۋ جوسپارلانعانىن حابارلادى.

2025-2026 جىلدارى مەگاپوليستە 49,2 شاقىرىمدى قۇرايتىن 11 كوشە كەشەندى اباتتاندىرۋمەن قامتىلادى. الماتى – ەلىمىزدەگى حالىقارالىق ستاندارتتارعا ساي جايلى قالا ورتاسىن قالىپتاستىرۋدى قولعا العان العاشقى قالا.

ەسكە سالايىق، Almaty TV-دە «Made in Almaty»، «شاھار شىرايى»، «ەكونوميكا جاڭالىعى» جانە «قالا تىنىسى» سىندى بىرقاتار جاڭا باعدارلاما مەن جاڭالىقتار ايدارى ەفيرگە جول تارتتى. سونىمەن قاتار الداعى ۋاقىتتا «الماتى اۋداندارى» جانە «كەرى بايلانىس» جوبالارىن شىعارۋ جوسپاردا بار.

Abai.kz