بەلگىلى جۋرناليست، قوعام قايراتكەرى ومىرزاق اقجىگىت ومىردەن ءوتتى. بۇل تۋرالى Facebook جەلىسىنە مارقۇمنىڭ  قىزى ەڭلىك اقجىگىت جازدى، دەپ حابارلايدى “ادىرنا” ۇلتتىق پورتالى.

“بۇگىن مەن اسقار تاۋ اكەمسىز قالدىم. تەك اكە ەمەس، دوسىم، سىرلاسىم، ارىپتەسىم، جاناشىرىم ەدى. مەنى ەرەكشە جاقسى كورەتىن. سەبەبى، مەن تۋىلعاندا پاپامنىڭ ۇيقىسى اشىلعان. باسقا بالاسى جىلاسا ويانبايتىن اكەم، مەن تۋىلعاندا ءسال جىلاسام تۇرىپ ءوزى قاراعان. ءازىلىمىز جاراساتىن. ۇنەمى اقجارقىن، كوڭىلدى جۇرەتىن. جان-جاعىنا تەك جاقسىلىق جاساپ جۇرەتىن. جۋرناليستيكاعا كەش كەلسە دە، وتە مىقتى جۋرناليست ول مەنىڭ اكەم ەدى. وتكەن شاقتا جازعان قانداي اۋىر. جۇرەگىم قارسى ايىرىلىپ، ىشىمدە بىردەڭەنى جۇلىپ العانداي بولىپ جاتىر. تىنىسىم تارىلىپ بارادى. كەز كەلگەن اداممەن تەڭ سويلەسە الاتىن. قازاقشا دا، ورىسشا دا ساۋاتتى جازاتىن. ادەبيەت، ءتىل، ساياسات، ەكونوميكا، تاريح، ماتەماتيكا بارلىق سالانىڭ جەتى اتاسىن بىلەتىن. سوپروماتتان  ساباق بەرگەن ۋنيۆەرسيتەتتە. ورىستار، سوپرومات سدال، موجنو جەنيتسيا" دەپ ايتاتىن دەپ ايتقانى ەسىمدە. سول ساباقتان ستۋدەنتتەرگە ساباق بەرگەن مەنىڭ اكەم. "كۋراتور گودا" بولعان. سىزۋدان ماعان ەۆرەي ساباق بەردى. بىلمەگەن جەرىمدە پاپام سىزىپ بەرەتىن. ونى ەۆرەي مۇعالىم ءبىلىپ قويادى. پاپە 5 دەپ ايتاتىن ماعان.

الماتىعا وقۋعا تۇسكەنىمە قۋاندى. ءبىر جاعى، قىزىن ۋايىمدايتىن. جاتاقحاناعا كەلىپ تۇراتىن جەرىمدى كورىپ كەتەتىن. ديپلومدى قورعاعاندا دا كەلىپ ءوزى قاتىسقان. پاپام كەلىپ وتىرعاندا كەۋدەمدە ءبىر ماقتانىش بولدى.

ومىرزاق اقجىگىتتىڭ قىزىمىن دەپ ارقاشان ماقتانىپ جۇرەمىن. بىراق، اكەسىز كۇنىم قالاي بولادى ەكەن. مەنىڭ اكەم، بۇل جالعانداعى ەڭ كەرەمەت اكە. ەڭ مىقتى، ەڭ ءپوزيتيۆتى اكە ەدى. ەڭ اقىلدى، ەڭ ءبىلىمدى اكە ەدى. ەڭ قامقور اكە ەدى. ءبىر رەت مەن اۋىرىپ بولنيتسادا جاتتىم. اكەم كەلىپ تەرەزەسىن سىرتىنان سكوچتاپ  كەتكەن. قىزىما جەل ۋىلدەمەسىن دەپ. كىمدە بار سونداي قامقور اكە. مەن اۋىرسام، بىردەن سەزەتىن. ۇيگە اسىعاتىن جۇمىسىنان. ءوز الدىما وتباسىلى بولىپ كەتسەم دە، مەن اۋىرسام سەزىپ حابارلاسىپ تۇراتىن. ءبارى جاقسى ما دەپ. ەندى مەنى ولاي كىم سەزەدى. كىم مەنى ەركەلەتىپ، كىم مەنى اينالايىن دەپ ماڭدايىمنان سۇيەدى. اكە، ءسىزسىز قالاي ءومىر سۇرەمىن مەن. اكە.....

ناعىز يدەالنىي اكە بولدى. اكە قانداي بولۋى كەرەك دەسە، مەنىڭ اكەمدەي بولۋى كەرەك دەپ نىق ايتامىن. جانىڭىز ءجانناتتا بولسىن. بۇل ءسوزدى ايتۋ دا جازۋ دا اۋىر ەكەن...”، دەپ جازدى ول.

ومىرزاق اقجىگىت 1954 جىلى وڭتۇستىك قازاقستان وبلىسىنىڭ كەلەس اۋدانى، اقتوبە اۋىل كەڭەسىندە دۇنيەگە  كەلدى. 1970 جىلى  مەكتەپتى، 1976 جىلى ماسكەۋ ينجەنەرلىك-قۇرىلىس ينستيتۋتىن ءبىتىردى. زاۋىتتا، ترەستە، بىرلەستىكتەردە قىزمەت اتقاردى، قازاق حيميا-تەحنولوگيالىق ينستيتۋتىندا «سوپرومات» پانىنەن ءتورت جىل ساباق بەردى، ارىس جانە سايرام اۋداندىق اكىمدىكتەرىندە ءبولىم مەڭگەرۋشىسى، اكىمنىڭ كەڭەسشىسى بولىپ جۇمىس ىستەگەن.

2003 جىلدان بەرى جۋرناليستيكا سالاسىندا. «جاس الاش» گازەتىندە ءتىلشى، «وڭتۇستىك قازاقستان» گازەتىندە ارناۋلى ءتىلشى، «جالىن» جۋرنالىندا ءبولىم مەڭگەرۋشىسى، جاۋاپتى حاتشى، «جاس قازاق ءۇنى»، «قازاقيا» گازەتىندە باس رەداكتور بولىپ قىزمەت اتقاردى. 2013 جىلى بالا تاربيەسىنە ارنالعان «ەلىڭنىڭ ەرى بول، اردا-شەرىم»، 2014 جىلى قازاقستاننىڭ 1995-2010 جىلدار ارالىعىنداعى ساياسي-الەۋمەتتىك جانە وندىرىستىك احۋالىنا ارنالعان «جاۋعاشتى – ءىستىڭ ادامى» اتتى، 2020 جىلى «تىنىشتىق جاقپايتىن ادام» اتتى كىتاپتارى جارىق كوردى. 2004-2023 جىلدار ارالىعىندا قازاقستاننىڭ بەلگىلى تۇلعالارىمەن جاسالعان ەكى جۇزدەن استام سۇحباتتارى، كوپتەگەن ماقالالارى جارىق كوردى.

Abai.kz