E-Qazyna ۆەب-پلاتفورماسىندا 25 اقپانعا جوسپارلانعان اۋكتسيون وتپەدى. سەبەبى ءۇيدى ساتىپ الۋعا بىردە-ءبىر قاتىسۋشى تىركەلمەپتى.

ەسكە سالا كەتەيىك، وسىعان دەيىن ءماسىموۆتىڭ ءۇيى ساتىلىمعا شىعارىلعانىن جازعان ەدىك.

قاماۋداعى قازاقستاننىڭ بۇرىنعى ۇقك توراعاسى كارىم ءماسىموۆتىڭ ءۇيى اۋكتسيون ارقىلى ساتىلىمعا شىعارىلدى. ءۇيدىڭ باعاسى 1,8 ملرد تەڭگەگە باعالانعان.

«چينوۆنيك» تەلەگرام ارناسىنىڭ جازۋىنشا، اۋكتسيون اياسىندا استانا قالاسى، نۇرا اۋدانى، قاراوتكەل ىقشام اۋدانىندا ورنالاسقان كارىم ءماسىموۆتىڭ تۇرعىن ءۇيى ساتىلىمعا شىعارىلعان.

ءۇيدىڭ جالپى اۋدانى 2877,7 شارشى مەتردى قۇرايدى. تەحنيكالىق تولقۇجات مالىمەتتەرىنە سايكەس، تۇرعىن ءۇي اۋماعىندا ۇزىن-سانى 30-دان استام ۆاننا بولمەسى بار ەكەن.

Abai.kz