قارجى مونيتورينگ اگەنتتىگى شىعىس قازاقستان وبلىسى اكىمدىگىنە قاراستى كومپانيا باسشىلارىنىڭ ۇستىنەن ءبىر جىل بۇرىن قوزعاعان ءىستى اياقتاپ، سوتقا جولداعانىن حابارلادى.

اگەنتتىكتىڭ ايتۋىنشا، كۇدىكتىلەر «وسكەمەن جانە سەمەي قالالارىنداعى كوشە جارىقتاندىرۋ جۇيەلەرىن جاڭعىرتۋ» دەپ اتالاتىن جوبا ارقىلى جالعان اكتىلەرگە قول قويىپ، جابدىقتار مەن جۇمىستاردىڭ قۇنىن ارتتىرىپ كورسەتكەن. ياعني تالاپقا ساي كەلمەيتىن جارىقتاندىرۋ قۇرالدارىن قىمباتقا ساتىپ العان.

قوعام بەلسەندىلەرى "جوبا ىسكە اسىرىلىپ جاتىر دەلىنسە دە وسكەمەن مەن سەمەيدە كوشەلەر قاراڭعى، جولاۋشىلار ومىرىنە قاۋىپ كۇشەيدى" دەپ شاعىنعان. وسكەمەندە جولاۋشىلاردى كولىك قاققان بىرنەشە وقيعا بولعان.

Abai.kz