مەملەكەت باسشىسى ۇلىتاۋ وبلىسىنىڭ اكىمى داستان رىسپەكوۆتى قابىلدادى.

داستان رىسپەكوۆتىڭ بايانداماسىنان:

• وتكەن جىلى ونەركاسىپ ءوندىرىسى 8 پايىزعا، قۇرىلىس جۇمىستارىنىڭ كولەمى 28 پايىزعا جانە تۇرعىن ءۇيدى پايدالانۋعا بەرۋ كورسەتكىشى 30 پايىزعا وسكەن;
• بىلتىر وڭىرگە 226 ميلليارد تەڭگەدەن استام ينۆەستيتسيا تارتىلعان. ونىڭ 89 پايىزى – جەكە ينۆەستيتسيا;
• جالپى سوماسى 940 ميلليارد تەڭگە بولاتىن ينۆەستيتسيالىق پۋل جاساقتالعان;
• بيىل قۇنى 138 ميلليارد تەڭگەنى قۇرايتىن 17 جوبانى ىسكە اسىرۋ جوسپارلانىپ وتىر.

سونداي-اق:

پرەزيدەنتكە قاتەرلى ءوندىرىس ورىندارىندا ەڭبەك ەتەتىن ازاماتتاردىڭ قاۋىپسىزدىگىن ساقتاۋ باعىتىندا بۇعان دەيىن بەرگەن تاپسىرماسىنا ساي اتقارىلىپ جاتقان جۇمىستار تۋرالى باياندالدى. ءتيىستى شارالاردى اكىمدىك ۇكىمەتپەن بىرلەسىپ جۇرگىزۋدە.

داستان رىسپەكوۆ «قازاقمىس» كورپوراتسياسىنىڭ كەنىشىندە تاياۋدا بولعان اپات سالدارىنان قازا تاپقان شاحتەرلەردىڭ وتباسىلارىنا قانداي كومەك كورسەتىلىپ جاتقانىن ايتتى.

وبلىس اكىمىنە كولىك-لوگيستيكا الەۋەتىن ارتتىرۋ، ينفراقۇرىلىمدى جاڭعىرتۋ، ساپالى مەديتسينالىق قىزمەت كورسەتۋ، حالىقتى تازا اۋىزسۋمەن قامتاماسىز ەتۋ جانە ەكولوگيالىق ماسەلەلەردى شەشۋ جونىندە تاپسىرما بەرىلدى.

Abai.kz