ارابشا جازۋى بار قازاقستان تۋىنىڭ سۋرەتى تاراعاننان كەيىن اتىراۋدا ءتورت ادام ۇستالدى

الەۋمەتتىك جەلىدە بەت-ءجۇزىن قارا نيقابپەن جاۋىپ العان ءتورت ادامنىڭ قازاقستان تۋىن ۇستاپ تۇرعان سۋرەتى تارادى. قازاقستان تۋىنىڭ جوعارعى بولىگىندە ءدىني سيمۆوليكا مەن ارابشا جازۋ بار.
اتىراۋ وبلىسىنىڭ پوليتسيا دەپارتامەنتى "ازاتتىق ازياعا" اقپاراتتى راستادى.
"مەملەكەتتىك ءرامىزدى قورلاۋ بابى بويىنشا قىلمىستىق ءىس قوزعالدى. قازىر سوتقا دەيىنگى تەرگەۋ امالدارى جۇرگىزىلىپ جاتىر. بارلىق كۇدىكتى انىقتالىپ، پوليتسياعا جەتكىزىلدى" - دەدى ۆەدومستۆو وكىلدەرى.
"مەملەكەتتىك ءرامىزدى قورلاۋ" بابى (قىلمىستىق كودەكستىڭ 372-بابى) 3 مىڭ اەك-كە دەيىن (23 مىڭ دوللاردان استام) ايىپپۇل نەمەسە قوعامدىق جۇمىس نەمەسە ەكى جىلعا دەيىن باس بوستاندىقتان ايىرۋ جازاسىن قاراستىرادى.
دەرەككوزى: ازاتتىق راديوسى
Abai.kz