مەملەكەت باسشىسىنىڭ تاپسىرماسىن ورىنداۋ ماقساتىندا سىبايلاس جەمقورلىققا قارسى ءىس-قيمىل اگەنتتىگى قوعامدا زاڭدىلىق پەن ءتارتىپ قاعيداتىن قامتاماسىز ەتۋ، سونداي-اق جەمقورلىق فاكتىلەرىنىڭ جولىن كەسۋ جونىندەگى جۇمىستى جالعاستىرۋدا.

اعىمداعى جىلدىڭ 20 ناۋرىزىندا تاراز قالاسىنىڭ سوتى جامبىل وبلىسى بويىنشا كولىكتىك باقىلاۋ ينسپەكتسياسى باسشىسىنىڭ م.ا. د. كەمەلوۆقا قاتىستى ۇكىم شىعاردى.

شەنەۋنىك جۇك اۆتوماشينالارىنىڭ يەلەرى مەن جۇرگىزۋشىلەرى م. مامىروۆتان، ن. ابدۋللاەۆتان جانە ە. قاناتوۆتان وبلىس اۋماعى بويىنشا كەدەرگىسىز ءجۇرىپ-تۇرعانى ءۇشىن 100 مىڭنان 450 مىڭ تەڭگەگە دەيىن بىرنەشە رەت پارا العانى ءۇشىن كىنالى دەپ تانىلدى.

مامىروۆ پارا بەرۋمەن قاتار، ابدۋللاەۆ پەن قاناتوۆتان كەمەلوۆتىڭ پارا الۋىنا دەلدال بولعان.

كەمەلوۆ 6 جىلعا، مامىروۆ 3 جىلعا باس بوستاندىعىنان ايىرىلدى، پارا بەرۋشىلەر ابدۋللاەۆ پەن قاناتوۆقا ارقايسىسىنا 5,6 ملن تەڭگە ايىپپۇل تاعايىندالدى.

سوتتالعاندار مەملەكەتتىك قىزمەتتە جانە كۆازيمەملەكەتتىك مەكەمەلەردە قىزمەت اتقارۋ قۇقىعىنان ءومىر بويىنا ايىرىلدى.

سوت اكتىسى زاڭدى كۇشىنە ەنگەن جوق.

كونستيتۋتسيانىڭ 77-بابى 3-تارماعىنىڭ 1-تارماقشاسىنا جانە قىلمىستىق-پروتسەستىك كودەكستىڭ 19-بابى 1-بولىگىنە سايكەس، قىلمىستىق قۇقىق بۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن ءاربىر ادام كىناسىز دەپ ەسەپتەلەدى.

Abai.kz