Jibek Joly تەلەارناسىنداعى جۋرناليست ەربولات مۇحامەدجاننىڭ اۆتورلىق «ۋادە» باعدارلاماسىنا قازاقستان رەسپۋبليكاسى پارلامەنتى ءماجىلىسىنىڭ اگرارلىق ماسەلەلەر كوميتەتىنىڭ توراعاسى، «اۋىل» پارتياسىنىڭ توراعاسى سەرىك ەگىزباەۆ قاتىستى.

باعدارلاما بارىسىندا سپيكەر اگروونەركاسىپ كەشەنىندەگى جالعان ستاتيستيكا ماسەلەسىن اشىق كوتەردى.

«مەن ەفيردە اشىق ايتىپ وتىرمىن، ايداربەك سەيپەللوۆيچ پرەزيدەنتتىڭ قابىلداۋىندا بولدى. سول كەزدە ول ستاتيستيكا ماسەلەسىن كوتەردى. جالعان ستاتيستيكا, ميلليونداعان پريپيسكالاردى ايتتى»، – دەدى سەرىك ەگىزباەۆ.

جۋرناليست مەملەكەت باسشىسى بۇل دەرەكتەردى كورىپ تاڭعالعانىن ەستىگەنىن ايتتى. سپيكەر بۇل پىكىردى راستادى:

«ءيا، تاڭقالدى. ميلليونداعان توننا ءسۇت، ميلليونداعان توننا كوكءوءنىس، ميلليونداعان توننا استىق – ءبارى پريپيسكا بولىپ كەتكەن. وتىرىك. جوق», – دەدى ول.

باعدارلامادا جالعان دەرەك بەرگەندەرگە قاتىستى جاۋاپكەرشىلىك ماسەلەسى دە قوزعالدى. ءجۋرناليستىڭ «جالعان ستاتيستيكا ءۇشىن جازالانۋ كەرەك قوي» دەگەن ساۋالىنا سەرىك ەگىزباەۆ:

«مەن ونداي ۇسىنىسپەن كەلىسەمىن. جازالانۋ كەرەك. كۇنى كەشە عانا ۇكىمەتتىڭ كارتوپ جونىندەگى وتىرىسىندا بەلگىلى بولدى: ءجۇز ەسە كارتوپتىڭ قورى وتىرىك، جالعان. ماڭعىستاۋ العا شىعىپتى دەيدى. ءجۇز ەسە كوبەيتىپ جىبەرىپتى. 20 توننا عانا بار كارتوپتى، 2000 توننا دەپ جازىپ جىبەرىپتى. اناۋ كارتوپتىڭ باعاسى نەگە شارىقتاپ كەتتى دەپ ۇكىمەتتە قارالدى عوي. بۇكىل وڭىرلەر مىڭداعان توننا جوق كارتوپتى جازىپ قويعان. نەگە ولاي ىستەيدى؟ نەدەن قورىقپايدى؟ سەبەبى ستاتيستيكا ءۇشىن جازاعا تارتىلمايدى»، – دەپ جاۋاپ بەردى اگرارلىق ماسەلەلەر كوميتەتىنىڭ توراعاسى.

سۇحباتتىڭ تولىق نۇسقاسى:

Abai.kz