قاراعاندى اكىمدىگىنىڭ قولداۋىمەن «تازا قازاقستان» رەسپۋبليكالىق ەكولوگيالىق اكتسياسى اياسىندا قالادا قۇرىلىسشىلار داڭعىلىنىڭ 5 شاقىرىمىنان استام – مۇقانوۆ كوشەسىنەن شاحتەرلەر داڭعىلىنا دەيىنگى ۋچاسكەسىندە سانيتارلىق تازارتۋ ناۋقانى ءوتتى. بۇل باستاما 100-دەن استام قاراعاندىلىقتاردى بىرىكتىردى: ەرىكتىلەر، جەكە ۇيىمداردىڭ قىزمەتكەرلەرى، كوممۋنالدىق قىزمەتتەردىڭ قىزمەتكەرلەرى، جۇرتشىلىق وكىلدەرى جانە جاي عانا جاناشىر تۇرعىندار.

اكتسياعا قاتىسۋشىلار قوقىستى، جاپىراقتاردى، بۇتاقتاردى جيناپ، تروتۋارلار مەن جول جيەكتەرىن قىستا جينالعان قوقىستان تازارتتى.

«–  بىز «تازا قازاقستان» باستاماسىن بەلسەندى تۇردە قولدايمىز، ويتكەنى تازالىق پەن اباتتاندىرۋ – بۇل كوممۋنالدىق قىزمەتتەردىڭ عانا ەمەس، ءار تۇرعىننىڭ جاۋاپكەرشىلىگى. بۇگىنگى اكتسيا قاراعاندىلىقتاردىڭ ورتاق ءىس ءۇشىن بىرىگۋگە دايىن ەكەنىن كورسەتتى. مۇنداي ءىس-شارالار قوعامدا قورشاعان ورتاعا قامقورلىق جاساۋ مادەنيەتىن قالىپتاستىرادى جانە ازاماتتىق جاۋاپكەرشىلىكتى تاربيەلەيدى دەپ سەنەمىن»، – دەپ ەسەپتەيدى ەكو ەرىكتى زانعار سەرىكوۆ.

ەكولوگيالىق اكتسيالار قالا كوشەلەرىنىڭ سانيتارلىق جاعدايىن جاقسارتىپ قانا قويماي، قوعامنىڭ بىرىگۋىنە جانە ەرىكتىلەر قوزعالىسىنىڭ دامۋىنا ىقپال ەتەدى.

Abai.kz