جامبىل وبلىسىنىڭ قالالىق كوپسالالى اۋرۋحاناسى باس دارىگەرىنىڭ ورىنباسارى سوتتالدى.

مەملەكەت باسشىسىنىڭ تاپسىرماسىن ورىنداۋ ماقساتىندا سىبايلاس جەمقورلىققا قارسى ءىس-قيمىل اگەنتتىگى قوعامدا زاڭدىلىق پەن ءتارتىپ قاعيداتىن قامتاماسىز ەتۋ، سونداي-اق سىبايلاس جەمقورلىق فاكتىلەرىنىڭ جولىن كەسۋ جونىندەگى جۇمىستى جالعاستىرۋدا.

تاراز قالالىق سوتى جامبىل وبلىسىنىڭ قالالىق كوپسالالى اۋرۋحاناسى باس دارىگەرىنىڭ ەكونوميكالىق جانە اكىمشىلىك-شارۋاشىلىق قامتاماسىز ەتۋ جونىندەگى ورىنباسارى س. شاۋشەنوۆا مەن باس بۋحگالتەر ا. دوستاەۆاعا قاتىستى ۇكىم شىعاردى.

ولار «قايرات قۇرىلىس-قك» جشس اففيليرلەنگەن كاسىپورنىنا جالعان قۇجاتتار بويىنشا زاڭسىز اۋدارۋ جولىمەن 758 ملن تەڭگەدەن استام بيۋدجەت قاراجاتىن جىمقىرعانى ءۇشىن كىنالى دەپ تانىلدى.

سونىمەن قاتار، باس دارىگەردىڭ ورىنباسارى قىلمىستىق جولمەن الىنعان قاراجاتتى زاڭداستىرۋ بويىنشا سوتتالدى.

سوت ۇكىمىمەن شاۋشەنوۆا 9 جىلعا، دوستاەۆا 6 جىلعا باس بوستاندىعىنان ايىرۋعا سوتتالدى.

سونىمەن قاتار، سوتتالعاندار قارجىلىق قىزمەتكە بايلانىستى لاۋازىمداردى 10 جىل مەرزىمگە اتقارۋ قۇقىعىنان ايىرىلادى.

سوت اكتىسى زاڭدى كۇشىنە ەنگەن جوق.

سونىمەن قاتار، كونستيتۋتسيانىڭ 77-بابى 3-تارماعىنىڭ 1-تارماقشاسىنا جانە قىلمىستىق-پروتسەستىك كودەكستىڭ 19-بابى 1-بولىگىنە سايكەس، قىلمىستىق قۇقىق بۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن ءاربىر ادام كىناسىز دەپ ەسەپتەلەدى.

Abai.kz