قازاقستاندا 9 مامىر قارساڭىنداعى "ماڭگىلىك پولك" شەرۋىنە تىيىم سالىندى.

قازاقستاننىڭ بىرنەشە قالاسىندا 9 مامىر – جەڭىس كۇنى قارساڭىندا "ماڭگىلىك پولك" شەرۋىن وتكىزۋگە رەسمي تۇردە تىيىم سالىندى.

الماتى، پاۆلودار جانە پەتروپاۆل قالالارىنىڭ اكىمدىكتەرى ەكىنشى دۇنيەجۇزىلىك سوعىستا قازا تاپقان كەڭەس ساربازدارىن ەسكە الۋعا ارنالعان شەرۋلەردى وتكىزۋ تۋرالى وتىنىشتەردى قاناعاتتاندىرماعان.

اسىرەسە، ءورىستىلدى تۇرعىندارى باسىم پاۆلودار مەن پەتروپاۆلدا جەرگىلىكتى بيلىك ەسكە الۋ شارالارىن ونلاين فورماتقا اۋىستىرۋدى ۇسىنىپ وتىر. ياعني، سوعىس ارداگەرلەرىنىڭ سۋرەتتەرىن قالالارداعى LED-ەكراندارعا شىعارۋ كوزدەلگەن.

جەرگىلىكتى اكىمدىكتەر رۇقساتسىز وتكىزىلگەن شەرۋلەر "زاڭسىز جيىن" دەپ تانىلىپ، وعان قاتىسقاندار اكىمشىلىك جاۋاپكەرشىلىككە تارتىلاتىنىن ەسكەرتتى.

"ماڭگىلىك پولك" باستاپقىدا رەسەيدە تۋىنداعان قوعامدىق باستاما. قاتىسۋشىلار 1941–1945 جىلدارداعى ۇلى وتان سوعىسىندا شايقاسقان تۋىستارىنىڭ پورترەتتەرىن كوتەرىپ، كوشەگە شىعادى.

سوڭعى جىلدارى بۇل اكتسيا رەسەي بيلىگى تاراپىنان كەڭىنەن ناسيحاتتالىپ، پروپاگاندالىق سيمۆولعا اينالعان.

بيىل قازاقستاننىڭ استاناسى – استانادا "ماڭگىلىك پولك" شەرۋى جوسپارلانباعان. دەگەنمەن، رەسمي دەڭگەيدە جەڭىس كۇنىنىڭ 80 جىلدىعىنا ارنالعان بىرقاتار سالتاناتتى شارا وتەدى.

قازاقستان ۇكىمەتىنىڭ دەرەگى بويىنشا، ەلدە قازىر ەكىنشى دۇنيەجۇزىلىك سوعىسقا قاتىسقان 120-عا جۋىق ارداگەر قالعان. ەڭ جاسى – 96-دا.

پرەزيدەنت قاسىم-جومارت توقاەۆ 9 مامىر كۇنى ماسكەۋدە وتەتىن جەڭىس كۇنىنە ارنالعان شارالارعا قاتىسادى دەپ جوسپارلانىپ وتىر.

Abai.kz