قاراعاندى وبلىسىندا وتان قورعاۋشى كۇنى مەن ۇلى وتان سوعىسىنداعى جەڭىستىڭ 80 جىلدىعىنا وراي ءداستۇرلى ساربازدار اندەرىنىڭ وبلىستىق فەستيۆالى ءوتتى. شارا ازاماتتىق بەلسەندىلىكتى ارتتىرۋعا، اسكەري-پاتريوتتىق تاربيەنى كۇشەيتۋگە جانە جاستاردىڭ بوس ۋاقىتىن ءتيىمدى ۇيىمداستىرۋعا باعىتتالعان مەملەكەتتىك جاستار ساياساتىن جۇزەگە اسىرۋ اياسىندا ۇيىمداستىرىلدى.

2004 جىلدان بەرى وتكىزىلىپ كەلە جاتقان بۇل فەستيۆال وڭىردە قالىپتاسقان يگى داستۇرگە اينالدى. ول جىل سايىن پاتريوتتىق ءاننىڭ جانكۇيەرلەرى مەن ونى شىنايى ىقىلاسپەن ورىندايتىنداردى بىرىكتىرىپ كەلەدى. فەستيۆال ەرلىك، ابىروي مەن وتانسۇيگىشتىك رۋحىن بەينەلەي وتىرىپ، قازاقستاندىق ساربازداردىڭ قاھارماندىعى مەن جاۋىنگەرلىك داستۇرلەرىن دارىپتەيدى. سونىمەن قاتار، ول اسكەري ماماندىقتاردىڭ بەدەلىن ارتتىرۋعا جانە مەرزىمدى اسكەري قىزمەتشىلەردىڭ شىعارماشىلىق الەۋەتىن اشۋعا ىقپال ەتەدى.

فەستيۆالدىڭ ۇيىمداستىرۋشىلارى — قاراعاندى وبلىسىنىڭ جاستار ساياساتى ماسەلەلەرى جونىندەگى باسقارماسى مەن جاستار رەسۋرستىق ورتالىعى. ءىس-شاراعا قاراعاندى گارنيزونىنىڭ اسكەري قۇرىلىمدارى قولداۋ كورسەتتى.

فەستيۆال اياسىندا بايقاۋ باعدارلاماسى مەن سالتاناتتى گالا-كونتسەرت ءوتتى. قاتىسۋشىلار مەن شىعارماشىلىق ۇجىمدار ەرلىككە، وتان الدىنداعى بورىش پەن قىزمەتكە ارنالعان اسەرلى پاتريوتتىق قويىلىمدار ۇسىندى.

فەستيۆال قورىتىندىسى بويىنشا جەڭىمپازدار مەن قاتىسۋشىلار ديپلومدارمەن، العىس حاتتارمەن جانە اقشالاي سىيلىقتارمەن ماراپاتتالدى. جالپى جۇلدە قورى 1 100 000 تەڭگەنى قۇرادى.

ساربازدار اندەرىنىڭ فەستيۆالى جاستاردى پاتريوتتىق رۋحتا تاربيەلەۋدىڭ، رۋحاني قۇندىلىقتاردى نىعايتۋدىڭ جانە حالقىمىزدىڭ ەرلىككە تولى تاريحىن ەستە ساقتاۋدىڭ ماڭىزدى الاڭى بولىپ قالا بەرەدى.

Abai.kz