قازاقستان تجم ەلىمىزدەگى ءورت ءسوندىرۋ دەپولارى جەلىسىن كەڭەيتۋ بويىنشا اۋقىمدى باعدارلامانى بەلسەندى ىسكە اسىرۋدا.

تج ءمينيسترى گەنەرال-مايور شىڭعىس ءارىنوۆتىڭ باستاماسىمەن اعىمداعى جىلدىڭ سوڭىنا دەيىن 20 جاڭا نىساندى پايدالانۋعا بەرۋ جوسپارلانۋدا. بيىلعى جىلدىڭ باسىنان باستاپ اقمولا، قاراعاندى، پاۆلودار، الماتى، جامبىل جانە سولتۇستىك قازاقستان وبلىستارىندا امبەباپ قۇتقارۋ بولىمشەلەرى اشىلدى.

زاماناۋي كوپفۋنكتسيونالدى نىساندار ورت سوندىرۋ جانە قۇتقارۋ بولىمشەلەرىنىڭ تيىمدى جۇمىس ىستەۋى ۇشىن بارلىق قاجەتتى جاعدايلاردى بىرىكتىرەدى. بۇل شارالار ءورت قاۋىپسىزدىگى دەڭگەيىن جانە توتەنشە جاعدايلارعا دەن قويۋدىڭ جەدەلدىگىن ارتتىرۋعا باعىتتالعان.

قازىرگى ۋاقىتتا ەل اۋماعىندا مينيسترلىكتىڭ قاراماعىنداعى 436 ءورت ءسوندىرۋ دەپوسى جۇمىس ىستەيدى. الايدا، اۋماقتاردى تولىعىمەن جابۋ جانە ءتيىمدى ارەكەت ەتۋ ءۇشىن قوسىمشا 119 دەپو قاجەت.

وتكەن جىلى رەسپۋبليكا بويىنشا استانا، الماتى، شىمەنت قالالارىندا جانە الماتى، اتىراۋ، جامبىل، تۇركىستان، اقتوبە وبلىستارىندا 10 ءورت ءسوندىرۋ بولىمشەسى قۇرىلدى.

استانادا ورنالاسقان ءورت ءسوندىرۋ دەپوسىنىڭ ەرەكشە ماڭىزعا يە ەكەنىن اتاپ وتكەن ءجون — بۇل نىسان ۆەدومستۆو باسشىسىنىڭ باستاماسىمەن جاڭا قۇرىلىس ۇلگىسى بويىنشا، تەز تۇرعىزىلاتىن مودۋلدىك تەحنولوگيالاردى پايدالانا وتىرىپ جۇزەگە اسىرىلعان العاشقى جوبالاردىڭ ءبىرى بولىپ تابىلادى. بۇل قۇرىلىس مەرزىمىن ايتارلىقتاي قىسقارتۋعا عانا ەمەس، سونىمەن قاتار جەكە قۇرام ءۇشىن زاماناۋي جابدىقتالعان جانە جايلى جۇمىس جاعدايلارىن قامتاماسىز ەتۋگە مۇمكىندىك بەردى. دەپو ىشىندە بارلىق قاجەتتى بولمەلەر قاراستىرىلعان: جۇمىس كابينەتتەرى، ديسپەتچەرلىك، وقۋ سىنىبى، دەمالىس بولمەسى جانە اس ءۇي.

ءورت سوندىرۋشىلەردىڭ قىزمەت اتقارۋىنا، دايىندىق جۇرگىزۋىنە جانە تىنىعۋىنا تولىقتاي قولايلى جاعداي جاسالىپ جاتىر. وسىنداي زاماناۋي ءورت ءسوندىرۋ دەپولارى الداعى ۋاقىتتا ەلىمىزدىڭ وزگە قالالارىندا دا سالىناتىن بولادى. بۇل بۇكىل ەل اۋماعىندا ورتكە قارسى قىزمەتتىڭ دايىندىق دەڭگەيىن جانە تيىمدىلىگىن ارتتىرۋعا، سونداي-اق قىزمەتكەرلەرگە لايىقتى ەڭبەك جاعدايلارىن جاساۋعا باعىتتالعان ماڭىزدى قادام بولماق.

بۇل مينيسترلىكتىڭ جۇيەلى جۇمىسىنىڭ جانە باسشىلىق قويعان مىندەتتەردى دايەكتى ىسكە اسىرۋدىڭ ناتيجەسى.

توتەنشە جاعدايلار ءمينيسترى دەن قويۋ ينفراقۇرىلىمىن دامىتۋ نەگىزگى باسىمدىقتاردىڭ ءبىرى ەكەنىن اتاپ ءوتتى. جاڭا دەپو قۇرۋ تەك عيماراتتار سالۋ ەمەس. بۇل اۋماقتاردىڭ توتەنشە جاعدايلارعا تۇراقتىلىعىن ەداۋىر ارتتىرۋعا جانە ەل وڭىرلەرىندە ورتتەن قورعاۋدىڭ نەعۇرلىم سەنىمدى جۇيەسىن قۇرۋعا مۇمكىندىك بەرەدى.

قازاقستان تجم ازاماتتىق قورعاۋ قىزمەتىن نىعايتۋ بويىنشا جۇيەلى جۇمىسىن جالعاستىرىپ، ەلدەگى قاۋىپسىزدىك دەڭگەيىن كەزەڭ-كەزەڭىمەن ارتتىرىپ كەلەدى.

Abai.kz