LRT ءىسى: تالعات اردان تۇركيادا تۇتقىندالدى
استانا LRT-نىڭ بۇرىنعى باسشىسى تالعات اردان تۇركيادا ۇستالدى – ول ەلگە دەپورتاتسيالانادى.
تۇركيا سوتىنىڭ شەشىمى جانە ونىڭ ۇستالعانى تۋرالى قر ۇلتتىق قاۋىپسىزدىك كوميتەتى حابارلادى.
"استانا LRT" جشس-ءنىڭ بۇرىنعى باسشىسى تالعات اردان تۇركيادا ۇستالىپ، جاقىن ارادا ەلگە قايتارىلادى.
قر ۇقك ءباسپاسوز قىزمەتىنىڭ مالىمەتىنشە، "استانا LRT" جشس-ءنىڭ بۇرىنعى باسشىسى، قازاقستان ازاماتى تالعات ارداندى ەكستراديتسيالاۋ تۋرالى ءوتىنىش قازاقستان باس پروكۋراتۋراسىمەن تۇركيا ادىلەت مينيسترلىگىنە 2019 جىلى جولدانعان.
«اعىمداعى جىلى ۇقك ونىڭ ناقتى ورنالاسقان جەرىن انىقتاپ، سودان كەيىن تۇركيانىڭ قۇقىق قورعاۋ ورگاندارى ونى انتاليا قالاسىندا ۇستادى.
9 مامىردا انتاليا سوتى ارداندى قازاقستانعا دەپورتاتسيالاۋ تۋرالى شەشىم قابىلدادى. قازىرگى ۋاقىتتا ول قاماۋدا وتىر. اتالعان تۇلعانى قازاقستانعا قايتارۋ بويىنشا قۇقىقتىق راسىمدەر قازاقستاندىق ۋاكىلەتتى ورگاندارمەن باستالدى»، – دەلىنگەن قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ حابارلاماسىندا.
2024 جىلى استانا قالاسىنىڭ سوتى تالعات ارداندى قىزمەتتىك وكىلەتتىكتەرىن اسىرا پايدالانعانى ءۇشىن، مەملەكەتكە 85 ميلليارد تەڭگەدەن استام شىعىن كەلتىرگەنى بويىنشا سىرتتاي 9 جىلعا باس بوستاندىعىنان ايىرۋ جازاسىنا كەسكەن.
Abai.kz
