تۇركيانىڭ TAV Airports حولدينگى الماتى حالىقارالىق اۋەجايىنىڭ 15 پايىز اكتسياسىن ساتىپ الىپ، ونىڭ جالعىز يەسى اتاندى، دەپ حابارلايدى Ulysmedia.kz.

TAV Airports مالىمدەۋىنشە، كومپانيا الماتى اۋەجايىنىڭ مينوريتارلىق اكتسيونەرى VPE Capital-پەن جاسالعان كەلىسىم اياسىندا وعان تيەسىلى 15 پايىزدىق ۇلەستى 133 ملن دوللارعا ساتىپ العان. ەندى تۇركيالىق حولدينگ اۋەجايدى تولىقتاي يەلەنەتىن بولادى. مامىلە قازىر جابىلۋعا جاقىن.

– الماتى اۋەجايى جوعارى وپەراتسيالىق كورسەتكىشتەرىن ساقتاپ، ورتالىق ازياداعى ءىرى اۆياتسيالىق حابتاردىڭ ءبىرى رەتىندەگى ستراتەگيالىق ماڭىزىن ارتتىرىپ كەلەدى. الماتىعا باعىتتالعان ينۆەستيتسيالارىمىز جوسپارعا سايكەس جۇزەگە اسىرىلىپ جاتىر. جىل سوڭىنا دەيىن جولاۋشىعا شاققانداعى تاريفتەردىڭ بىرتىندەپ ءوسۋىن كۇتىپ وتىرمىز. بۇل اۆياوتىن كولەمىنىڭ ازايۋىنان تۇسىمگە كەلگەن اسەردىڭ ورنىن ايتارلىقتاي تولتىرادى، – دەدى حولدينگتىڭ باس اتقارۋشى ديرەكتورى سەركان كاپتان.

سەركان كاپتاننىڭ ايتۋىنشا، TAV Airports ءالى دە الماتى اۋەجايىنداعى تابىستى ارتتىرۋعا، وپەراتسيالىق تيىمدىلىكتى جاقسارتۋعا جانە ۇزاق مەرزىمدى كىرىس كوزدەرىن قالىپتاستىرۋعا باسىمدىق بەرىپ وتىر.

بۇعان دەيىن الماتى اۋەجايىنىڭ وتكىزۋ قابىلەتىن 2030 جىلعا قاراي جىلىنا 19 ملن جولاۋشىعا دەيىن ارتتىرۋ جوسپارلانىپ وتىرعانىن جازعان ەدىك. جاڭعىرتۋ باعدارلاماسىنا 362 ملن دوللار ينۆەستيتسيا باعىتتالادى.

Abai.kz